काठमाडौं (हाम्रो खेलकुद) – स्पिनर कृतिका मरासिनीसहित तीन नेपाली क्रिकेटर अन्तर्राष्ट्रिय क्रिकेट परिषद् (आइसिसी) को ड्रिम टिममा पर्दै छात्रवृत्ति पाउने भएका छन् । आइसिसीले गत जुनमा मलेसियामा भएको यू–१९ महिला विश्वकप छनोटको प्रदर्शनबाट नेपालका तीन खेलाडीलाई छात्रवृत्ति दिने भएको छ ।

कृतिका यू-१९ नेपाली टोलीको कप्तान हुन् । उनकै कप्तानीमा नेपालले यू–१९ विश्वकप छनोट खेलेको थियो । कृतिका, आश्मा पुलामी मगर र सृष्टी जैशी नेपालको टोलीमा थिए ।

कृतिकाले नेपाली यू–१९ सँगै लुम्बिनी प्रदेशबाट घरेलु क्रिकेट खेल्ने गर्दछन् । त्यस्तै लुम्बिनी प्रदेशकी ब्याटर आश्मा पुलामी मगर र गण्डकी प्रदेशकी कप्तान तथा अलराउन्डर सृष्टी पौडेल नेपालबाट परेका छन् ।

युएई, मलेसिया, भुटान, नेपाल र कतारबाट गरि कुल १३ खेलाडीको ड्रिम टिम बनेको छ । यो कार्यक्रम अन्तर्गत नेपालको काठमाडौं र पोखरामा आगमी कार्तिक ६ देखि १२ सम्म तीन टि२० अभ्यास खेल खेलाउनेछ ।

उक्त ड्रिम टोलीले मेरिलेबोन क्रिकेट क्लब (एमसिसी), नेपाल प्रिसिडेन्ट ११ र नेपाल इमर्जिङ टोली गरि तीन टि२० खेल खेल्ने जनाएको छ । खेल काठमाडौं र पोखरा हुनेछ । एमसिसीको महिला टोली नेपाली महिला क्रिकेट टोलीसँग खेल्न नेपाल आउँदैछ । इमर्जिङ टिम्स र प्रिसिडेन्ट-११ को टोली भने क्यानले सार्वजनिक गर्नेछ ।

आइसिसी एसिया यू१९ शतप्रतिशत छात्रवृत्ति अन्तर्गत परेका खेलाडी

मलेसिया : नुर फतिन ऐश्याह बिन्ती, अब्दुल अहमान नुर र ऐश्या बिन्ती आज्मी ।

युएई : समैरा धरनिर्धक, वैष्णव महेश र थ्रीर्थ सतिश

भुटान : न्गवान्च चोडेन र इभा सोम्सेल

कतार : साची धड्वाल र एलिना खान

नेपाल : कृतिका मरासिनी, आश्मा पुलामी मगर र सृष्टी जैश