काठमाडौं (हाम्रो खेलुकद) – नेपाली महिला क्रिकेट टोलीकी पूर्व कप्तान नेरी थापाले नवौं राष्ट्रिय खेलकुद अन्तर्गत महिला क्रिकेट प्रतियोगिता नेपाल एपिएफ क्लबबाट खेल्ने भएकी छिन् ।

एपिएफले सीता रानामगरको कप्तानीमा १४ सदस्य टोली घोषणा गरेको हो । यसअघि लुम्बिनीबाट खेल्दै आएकी नेरीलाई एपिएफले समेटेको छ । नेरी स्पिनसँगै मध्यक्रमकी ब्याटर हुन् । स्पिनर करुणा भण्डारी घाइते हुँदा उनको विकल्पमा एपिएफले नेरीलाई टोलीमा अनुबन्ध गरेको हो ।

एपिएफमा इन्दु बर्मा, ज्योति पाण्डे, युवा तीव्र गतिका बलर राजमती ऐरी र सुमन विष्ट लगायतका खेलाडी छन् । एपिएफ समूह ए मा छ । एपिएफ, मधेश प्रदेश, गण्डकी प्रदेश, सुदूरपश्चिम प्रदेश र बागमती प्रदेश छन् । समूह बी मा नेपाल पुलिस क्लब, कर्णाली प्रदेश, प्रदेश १ र लुम्बिनी प्रदेश छन् । पुलिसले रुविना क्षेत्री बेलबासेको कप्तानीमा पहिलो पटक राष्ट्रिय प्रतियोगिता खेल्दैछ ।

एपिएफले मंगलबार बागमती प्रदेशसँग खेल्दै सुरुवात गर्नेछ । सबै खेल पोखरा रंगशालामा हुनेछन् । सेमिफाइनल असोज ३१ र फाइनल कार्तिक एक मा हुनेछ । पहिलो दिन बागमती प्रदेशले सुदूरपश्चिमलाई ८ विकेट तथा मधेशले गण्डकीलाई ४० रनले हराउँदै विजयी सुरुवात गरेका छन् ।

एपिएफको टोली :

सीता रानामगर (कप्तान), सरिता मगर, इन्दु बर्मा, ज्याति पाण्डे, सुष्मा श्रेष्ठ, सोनु खड्का, रेखा रावल, सुमन विष्ट, राजमती ऐरी, मन्जु बोगटी, निशा भट्ट, ममता चौधरी, रोमा थापा र नेरी थापा ।

प्रशिक्षक : राजेश श्रेष्ठ

टिम व्यवस्थापक : सन्जु लामा