क्रिकेट: पहिलो खेलमा सशस्त्र प्रहरी बल विजयी

दीपेन्द्र पोखरेल (हाम्रोखेलकुद)- मोरङको बैझनाथपुर खेल मैदानमा जारी ७औ राष्ट्रिय खेलकुद अन्तर्गतको पुरुष क्रीकेटको पहिलो खेलमा सशस्त्र प्रहरी बल विजयी भएको छ। एपीएफले मध्य पश्चिमाञ्चलाई २६ रनले पराजित गरेको थियो।

केही बेर अगी मात्र सम्पन्न भएको खेलमा मध्य पश्चिमाञ्चले टस जित्दै बलिङ गर्ने निर्णय लिएको थियो। सुरुमा ब्याटिङ गरेको एपिएफले पुर २० ओभर खेल्दै ४ विकेट गुमाएर १४५ रन बनाएको थियो। एपीएफका लागि सन्दिप सुनारले सर्बाधिक ५१ रन बनाएका थिए भने कप्तान पारस खड्काले २६रन जोडेका थिए।

१४६ रनको लक्ष्य लिएर मैदानमा उत्रेको मध्यपश्चिमाञ्चलले निर्धारित २० अाेभरमा १ सय १९ रन बनाउदै २६ र न को पराजय बेहोरेको हो। पराजित टिमका लागि प्रनित थापाले सर्बाधिक ४० रन बनाएका थिए।