एजेन्सी – भारतले तेस्रो तथा निर्णायक टि२० आई खेलमा अष्ट्रेलियाविरुद्ध टस जितेर पहिला फिल्डिङ गर्ने भएको छ । हैदराबादमा भारतका कप्तान रोहित शर्माले टस जितेर पहिला फिल्डिङ गर्ने निर्णय लिएका छन् ।

भारतले आजको खेलमा विकेटकिपर ऋषभ पन्तलाई भने बेन्चमा राखेको छ । तीव्र गतिका बलर भुवनेश्वर कुमार टोलीमा फर्किएका छन् ।

अष्ट्रेलियाले एक परिवर्तन गरेको छ । शेन एबर्टको स्थानमा जोश इंग्लिस टोलीमा फर्किएका छन् । तीन टि२० आई खेलको सिरिज १-१ को बराबरी अवस्थामा छ । पहिलो खेलमा भारत ४ विकेटले पराजित हुँदा दोस्रो खेलमा ६ विकेटले विजयी भएको थियो ।

हेड टु हेड :

भारत र अष्ट्रेलियाबीच टि२० आईमा कुल २५ खेल भएका छन् । भारत १४ खेलमा जित र १० खेलमा पराजित भएको छ ।

भारतको प्लेइङ ११ :

रोहित शर्मा (कप्तान), लोकेश राहुल, विराट कोहली, सूर्यकुमार यादव, हार्दिक पान्ड्या, दीनेश कार्तिक (विकेटकिपर), अक्षर पटेल, भुवनेश्वर कुमार, हर्षल पटेल, जस्प्रित बुमराह र युजभेन्द्र चहल ।

अष्ट्रेलियाको प्लेइङ ११ :

आरोन फिन्च (कप्तान), क्यामरन ग्रिन, स्टिभ स्मिथ, ग्लेन म्याक्सवेल, जोश इंग्लिस, टिम डेविड, म्याथ्यु वेड, प्याट कमिन्स, ड्यानियल साम्स, एडम जाम्पा र जोश हेजलवुड ।