एजेन्सी – ओपनर विराट कोहलीको सानदार शतकमा भारतले टि२० एसिया कप २०२२ को सुपर फोर खेलमा अफगानिस्तानलाई २ सय १३ रनको विशाल लक्ष्य दिएकोछ । दुबई इन्टरनेशल क्रिकेट स्टेडियममा टस हारेर पहिला ब्याटिङ गरेको भारतले निर्धारित २० ओभरमा २ विकेट गुमाउँदै २ सय १२ रन बनायो ।

भारतका विराट कोहली ६१ बलमा १२ चौका र ६ छक्कासहित १ सय २२ रनको अविजित शतकीय इनिङ खेले । कोहलीको यो टि२० आई करिअरको पहिलो शतक हो । अन्तर्राष्ट्रिय करिअरको ७१ औं शतक हो ।

कोहलीले १९ औं ओभरको दोस्रो बलमा फरिद अहमदलाई छक्का हान्दै १ हजार २१ दिनपछि आफ्नो पहिलो अन्तर्राष्ट्रिय शतक हानेका छन् । कोहलीले ५३ बलमा शतक पूरा गरेका थिए ।

कप्तान लोकेश राहुल ४१ बलमा ६ चौका र २ छक्कासहित ६२ रनमा आउट भए । रोहित शर्मालाई विश्राम दिँदा लाहुलले भारतको कप्तानी गरेका छन् । पहिलो विकेटका लागि राहुल र कोहलीले १२.४ ओभरमा १ सय १९ रनको शतकीय साझेदारी गर्दै उत्कृष्ट सुरुवात दिलाएका थिए । सूय कुमार यादव ६ रनमा आउट भए । ऋषभ पन्त १६ बलमा ३ चौकासहित २० रनमा अविजित रहे ।

अफगानिस्तानका फरिद अहमदले ४ ओभरमा ५७ रन खर्चेर २ विकेट लिए । भारत र अफगानिस्तान भने सुपर फोरबाट बाहिरि सकेका छन् । पाकिस्तान र श्रीलंकाले उपाधिको लागि आइतबार प्रतिस्पर्धा गर्नेछन् ।

यो पनि :आसिफ अलीले बलरलाई ब्याटले हान्न खोजेपछि…