2 years ago
September 8, 2022
काठमाडौं (हाम्रो खेलकुद) – विहीबारदेखि काठमाडौंमा नवौं राष्ट्रिय खेलकुद अन्तर्गत क्रिकेट प्रतियोगिता सुरु भयो । तर वर्षाको कारण पहिलो दिन भने क्रिकेट प्रतियोगिता वर्षाले प्रभावित बन्यो । चार मध्य तीन खेल हुन सकेनन् ।
टियु क्रिकेट मैदानमा एक मात्र सम्भव खेलमा एनआरएनए नेपालले सुदूरपश्चिम प्रदेशलाई १२ रनले हराउँदै विजयी सुरुवात गर्यो । उक्त खेल ६–६ ओभर मात्र भएको थियो । त्यसपछि वर्षा हुँदा खेल भएन । तीन खेल हुन नसकेपछि सबै टोलीले अंक बाँडेका थिए ।
टियु मैदानमा दोस्रो खेलमा आज बागमती प्रदेश र प्रदेश १ बीच प्रतिस्पर्धा हुने तालिका थियो । टस हुने समयमै वर्षा भएपछि खेल हुन सकेन । बागमतीका कप्तान ज्ञानेन्द्र मल्ल टसको लागि मैदान छिरेपनि लगत्तै वर्षा हुँदा फर्किएका थिए ।
मैदानमा खेल हुन नसके पनि ड्रेसिङ रुममा भने युवा खेलाडीले नेपाली क्रिकेटका पूर्व कप्तान ज्ञानेन्द्र मल्लसँग सिक्ने अवसर पाए । अम्पाएरले वर्षाका कारण खेल नहुने जानकारी दिएपछि खेलाडीहरु ड्रेसिङ रुमबाट सामान प्याक गरेर निस्कन थाले । प्रदेश १ का समिर कार्कीले ज्ञानेन्द्र ड्रेसिङ रुमतर्फ जाँदै गर्दा ब्याटिङबारे सुझाव दिन आग्रह गरे । उनले बायाँ हाते स्पिनर कसरी खेल्ने भनेर सोधेका थिए ।
स्कोररले दिएको कागजमा हस्ताक्षर गरेपछि बागमती प्रदेशका अफिसियलले ज्ञानेन्द्रलाई घर फर्कनेबारे सोधेका थिए । ज्ञानेन्द्रले उनलाई जान भन्दै आफू प्रदेश १ को ड्रेसिङ रुमतर्फ लागे । उनले समिरलाई सिक्न चाहेका अन्य खेलाडीलाई पनि बोलाउन भने । त्यसपछि प्रदेश १ का खेलाडीहरुका जिज्ञासा र प्रश्न सुन्दै आफ्नो अनुभव साट्न थाले ।
‘दाईलाई स्पिन खेल्ने टेक्निकहरु सोधेको थिए । नेपालमा बायाँ हाते स्पिनरहरु धेरै छन् । यहि प्रतियोगितामा साहब आलम लगायत धेरै खेलाडी छन् । त्यहिँ सोचेर बायाँ हाते स्पिनर कसरी रिड गर्ने भनेर सोधेको हुँ’, समिरले हाम्रो खेलकुदसँग भने ।
‘ज्ञानेन्द्र दाइले स्पिनरलाई लेन्थ हेर्नु । तीव्र गतिका बलरलाई लाइन रिड गरेर खेल्नु भयो । बायाँ हातेलाई सकभर प्याड भन्दा अगाडि लिएर टाउको घुँडा भन्दा अघि लगेर खेल्नु भनेर सिकाउनु भयो । हातको रिलज प्वाइन्ट देखिनै हेर्न सुझाव दिनु भयो’, उनले ज्ञानेन्द्रको प्रतिक्रिया सुनाए ।
‘यो एकै पटक लागु गर्न सकिँदैन । हाम्रो टोली दीपेश कंडेल लगायतका राम्रो स्पिनर छन् । हामी ज्ञानेन्द्र दाइले सिकाउने बेला आधा भन्दा धेरै खेलाडी थियौं । केहि खेलाडी इन्डोर सेसनका लागि गएका थिए । दाई नेपालको लागि त्यति धेरै खेलेको, नेपालको राम्रो खेलाडी हुनुन्छ’, उनले भने ।
उनले ज्ञानेन्द्रको स्पिन खेल्ने शैली भिडियो फुटेज पनि हेर्ने गरेको बताए । ‘दाईहरुको स्पिन खेल्ने भिडियो पनि हेर्ने गर्दछु । नेट्समा पनि खेलेको हेर्थें’, समिरले भने । झापाबाट घरेलु क्रिकेट खेल्ने समिर मध्यक्रमका ब्याटर हुन् ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]