2 years ago
September 6, 2022
काठमाडौं (हाम्रो खेलकुद) – कर्णाली प्रदेशले अलराउन्डर रविन्द्रजंग शाहीको कप्तानीमा नवौं राष्ट्रिय खेलकुद क्रिकेट प्रतियोगिताको लागि टोली घोषणा गरेको छ ।
तीन नयाँ खेलाडी समेट्दै कर्णालीले १४ सदस्य टोली घोषणा गरेको छ । कर्णालीको टोलीमा मोहन बि.क, सुमित बुढाथोकी र विपिन शाही पहिलो पटक कर्णालीको टोलीमा परेका छन् । कर्णाली समूह ए मा छ ।
समूह ए मा मधेश प्रदेश, लुम्बिनी प्रदेश, कर्णाली प्रदेश, नेपाल पुलिस क्लब, त्रिभुवन आर्मी क्लब र गण्डकी प्रदेश छन् । समूह बी मा एनआरएन, बागमती प्रदेश, सुदूरपश्चिम प्रदेश, प्रदेश एक र एपिएफ छन् ।
कर्णालीले पहिलो खेल बिहीबार लुम्बिनीविरुद्ध मुलपानी मैदानमा दिउँसो खेल्नेछ । कर्णालीले अन्तिम खेल भदौ २९ मा गण्डकीसँग खेल्नेछ । कर्णालीले शीर्ष दुईमा रहन सके सेमिफाइनल खेल्नेछ । सेमिफाइनल भदौ ३० र फाइनल ३१ मा हुनेछ ।
कर्णालीको टोली :
रविन्द्रजंग शाही (कप्तान), निश्चल रावल, अर्जुन घर्ती, अनुज चनारा, दिवान पुन, प्रकाश जैशी, सुवोध ऐर, मनिश थापा, विपिन शाही, हिमान्सु शाही, दीनेश अधिकारी, सुमित बुढाथोकी, विपिन रावल र मोहन वि.क ।
वैकल्पिक खेलाडी :
युनिस विक्रम सिंह र राज प्रसाद शाह ।
January 3, 2025
काठमाडौं(हाम्रो खेलकुद) – नेपाली राष्ट्रिय क्रिकेट टोलीका अलराउण्डर आरिफ शेख वैवाहिक बन्धनमा बाँधिएका छन् । पर्सा वीरगन्ज निवासी २७ वर्षीय आरिफले सबाना खातुनसँग बिहीवार मुस्लिम परम्पराअनुसार विवाह गरेका हुन् । आरिफ नेपालले खेलेको पहिलो ओडिआई टोलीका सदस्य रहेका थिए । घरेलु क्रिकेटमा आरिफ विभागीय टोली नेपाल पुलिस क्लब खेल्नेछ । हालै सम्पन्न नेपाल प्रिमियर लिग […]
January 3, 2025
काठमाडौं(हाम्रो खेलकुद) – जय ट्रफी मेन्स एलिट कपका लागि विभागीय टोली नेपाल पुलिस क्लबको टोली घोषणा भएको छ । पुलिसले शुक्रवार आरिफ शेखको कप्तानीमा १५ सदस्यीय अन्तिम टोलीको घोषणा गरिएको हो । पुलिसका नियमित कप्तान दीपेन्द्रसिंह ऐरी युएईमा हुने अन्तर्राष्ट्रिय लिग टि ट्वान्टी (आईएल टि ट्वान्टी) मा सहभागी हुन गएकाले पुलिसले आरिफलाई कप्तानीको जिम्मेवारी दिएको […]
January 2, 2025
एजेन्सी – ब्याटर कुशल परेराको शतकको सहयोगमा श्रीलंकाले घरेलु टोली न्युजिल्याण्डविरुद्ध सान्त्वना जित हात पारेको छ । न्युजिल्याण्डसँगको तेस्रो टि ट्वान्टी आईमा श्रीलंका ७ रनले विजयी भएको हो । तेस्रो खेल श्रीलंकाले जिते पनि यसअघिका दुवै खेल जितेर न्युजील्याण्डले सिरिज भने जितिसकेको थियो । श्रीलंकाले दिएको २ सय १९ रनको विशाल लक्ष्य पछ्याएको न्युजिल्याण्डले निर्धारित […]
