काठमाडौं (हाम्रो खेलकुद) – बिहीबारदेखि काठमाडौंमा सुरुहुने नवौं राष्ट्रिय खेलकुद क्रिकेट प्रतियोगितामा दुई विभागीय टोली नेपाल पुलिस क्लब र त्रिभुवन आर्मी क्लब एकै समूहमा परेका छन् ।

कुल ११ टोली सहभागी प्रतियोगितामा दुई समूहमा विभाजन गरिएको छ । समूह ए मा मधेश प्रदेश, लुम्बिनी प्रदेश, कर्णाली प्रदेश, नेपाल पुलिस क्लब, त्रिभुवन आर्मी क्लब र गण्डकी प्रदेश छन् । समूह बी मा एनआरएन, बागमती प्रदेश, सुदूरपश्चिम प्रदेश, प्रदेश एक र एपिएफ छन् ।

पहिलो खेलमा बिहीबार टियु मैदानमा एनआरएन र सुदूरपश्चिम प्रदेशबीच प्रतिस्पर्धा हुनेछ । टियुमा सोहि दिन दोस्रो खेलमा बागमती र प्रदेश एकबीच प्रतिस्पर्धा हुनेछ । उता मुलपानीमा बिहीबार पहिलो खेलमा मधेश प्रदेश र गण्डकी तथा दोस्रो खेलमा लुम्बिनी र कर्णालीबीच प्रतिस्पर्धा हुनेछ ।

भदौ २९ मा समूह चरणको अन्तिम खेलमा टियु मैदानमा आर्मी र पुलिसबीच प्रतिस्पर्धा हुनेछ । हरेक समूहका शीर्ष दुई दुई टोलीले सेमिmफाइनलमा स्थान बनाउनेछन् । सेमिफाइनल भदौ ३० र फाइनल भदौ ३१ मा हुनेछ ।

एनआरएनले पहिलो पटक क्रिकेटमा सहभागीता जनाउन थालेको हो । एनआरएनको कप्तानमा सुनाम गौतम, पृथु बाँस्कोटा र सागर पुन जस्ता खेलाडी रहेका छन् । बागमती र गण्डकी प्रदेशले टोली घोषणा गरेका छन् । केहि प्रदेश भने छनोटकै क्रममा छन् ।

खेल तालिका