एजेन्सी – केन्याले तेस्रो टि२० आई खेलमा प्रस्तुत गरेको चुनौतीपूण लक्ष्य पछ्याएको नेपालले उत्कृष्ट सुरुवात गरेको छ । जितको लागि १ सय ५७ रनको विजयी लक्ष्य पछ्याएको नेपालले सुरुवाती ६ ओभरमा १ विकेट गुमाउँदै ५३ रन बनाएको छ ।

नेपालका लागि डेब्यू खेल खेलेका युवा विकेटकिपर अर्जुन साउद १३ बलमा २ छक्कासहित १६ रनमा अविजित छन् । ज्ञानेन्द्र मल्ल ११ बलमा १ चौका र छक्कासहित १६ रनमा अविजित छन् ।

पहिलो विकेटका लागि अर्जुन र पवन सरार्फले ३.२ ओभरमा ३५ रनको साझेदारी गर्दै राम्रो सुरुवात दिलाए । पवन १२ बलमा ३ चौका र १ छक्कासहित २० रनमा आउट भए ।

त्यसअघि जिमखाना क्रिकेट क्लब ग्राउन्डमा टस जितेर पहिला ब्याटिङ थालेको केन्याले निर्धारित २० ओभरमा २ विकेट गुमाउँदै १ सय ५७ रन बनाएको थियो ।

केन्याका रकिप पटेल ४३ बलमा ५ चौका र ४ छक्कासहित सर्वाधिक ७३ रनमा अविजित रहे । विकेटकिपर इफरान करिम ४७ बलमा ४ चौका र २ छक्कासहित ५५ रनमा अविजित रहे । तेस्रो विकेटका लागि रकिप र करिमले १ सय २७ रनको सानदार अविजित शतकीय साझेदारी गरेका थिए ।

सन्दीप लामिछानेले ४ ओभरमा ४२ रन खर्चेर विकेट लिन सकेनन् । दीपेन्द्रसिंह ऐरीले ३ ओभरमा ३१ रन खर्चिए । सोमपाल कामीले ३ ओभरमा १६ रन खर्चेर १ विकेट लिए । करण केसीले ३ ओभरमा २० रन खर्चेपनि विकेट लिनसकेनन् । आदिल अन्सारीले १ ओभरमा ४ रन खर्चेर १ विकेट लिए । पवन सरार्फले २ ओभरमा ९ रन खर्चिए ।