2 years ago
August 8, 2022
काठमाडौं (हाम्रो खेलकुद) – नेपाली राष्ट्रिय क्रिकेट टोलीले केन्या भ्रमण अघि नै नयाँ प्रशिक्षक पाउने भएको छ । नेपालले अगष्ट चौथो सातादेखि केन्यामा गएर पाँच खेलको टि२० आई सिरिज र तीन एकदिवसिय अभ्यास खेल खेल्ने कार्यक्रम छ ।
मुख्य प्रशिक्षक पुबुदु दासानायकेले राजीनामा दिएपछि रिक्त रहेको पदमा नेपाल क्रिकेट संघ (क्यान) ले चाँडै नै नियुक्त गर्ने जनाएको छ । क्यानका कार्यवाहक सचिव प्रशान्त विक्रम मल्लले १-२ दिनमै नियुक्त गर्ने जानकारी दिएका छन् ।
‘प्रशिक्षकको विषय अब १-२ दिनमा टुङ्गो लाग्छ । सम्भावित २-३ जनासँग कुरा भई राखेको छ । नाम त हामीले गोप्य राख्नु पर्ने हुन्छ । तर केन्या भ्रमणमा नयाँ प्रशिक्षक नै आउनेछन्’, मल्लले हाम्रो खेलकुदसँग भने ।
यदि नयाँ प्रशिक्षक नियुक्त गर्न नसकेको खण्डमा भने जगत टमटा विकल्पको रुपमा थिए । तर मल्लले नयाँ प्रशिक्षक आइसक्ने पुष्टि गरेका छन् ।
नेपाली क्रिकेट टोलीको मुख्य प्रशिक्षकमा क्यानले नाम नखुलाएपनि भारतीय मोन्टी देशाई, लालचन्द राजपुत र चेतन शर्मा चर्चामा छन् । सर्वाधिक सम्भावना बोकेका देशाईले १३ हजार अमेरिकी डलर माथि मासिक तलब मागेको बुझिएको छ । देशाई वेस्टइन्डिजका वर्तमान समयमा ब्याटिङ प्रशिक्षक हुन् ।
क्यानका अनुसार नेपाल टिम १७–१८ अगष्टमा केन्या जाने छ । टि२० आईमा सन्दीप लामिछानेले नै कप्तानी गर्छन् । बाँकी एकदिवसिय अभ्यास खेलमा उपकप्तान रोहित पौडेलले नेतृत्व गर्नेछन् ।
सन्दीप क्वारेवियन प्रिमियर लिग (सिपिएल) खेल्न वेस्टइन्डिज जाँदैछन् । त्यसैको कारण नेपालले तालिका केहि अघि सार्न लागेको बुझिएको छ । सिपिएल ३१ अगष्ट देखि सुरु हुनेछ । सन्दीपले जमैका तलावाजबाट सिपिएल खेल्नेछन् ।
यो पनि पढ्नुहोस् : राष्ट्रिय क्रिकेट टोलीका सम्भावित चार मुख्य प्रशिक्षक
December 18, 2024
काठमाडौं(हाम्रो खेलकुद) – ओपनर विनोद भण्डारीको नटआउट अर्धशतकमा सिद्धार्थ बैंक नेपाल प्रिमियर लिग (एनपिएल) मा सुदूरपश्चिम रोयल्सले जनकपुर बोल्ट्सबाट पराजित गर्दै फाइनल प्रवेश गरेको छ । टियु मैदानमा बुधवार भएको पहिलो क्वालिफायर खेलमा जनकपुरमाथि सुदूरपश्चिमले ८ विकेटको जित हात पार्यो । जितका लागि १ सय ४० रनको मध्यम लक्ष्य सुदूरपश्चिमले १८.३ ओभरमा २ विकेट गुमाएर […]
December 18, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा फाइनल प्रवेशका लागि सुदूरपश्चिम रोयल्सले जनकपुर बोल्ट्सबाट मध्यम लक्ष्य पाएको छ । टियु मैदानमा जारी एनपिएलको दोस्रो क्वालिफायर खेलमा जनकपुरले सुदूरपश्चिमलाई जितका लागि १ सय ४० रनको मध्यम लक्ष्य दिएको हो । टस जितेर पहिले ब्याटिङ गरेको जनकपुरले निर्धारित २० ओभरमा ८ विकेट गुमाएर १ सय […]
December 18, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल)को पहिलो क्वालिफायर खेलमा जनकपुर बोल्ट्सले सुदूरपश्चिम रोयल्सविरुद्ध टस जितेको छ । टियु क्रिकेट मैदानमा जनकपुरका कप्तान आसिफ शेखले टस जितेर ब्याटिङ रोजेका हुन् । लिग चरणको खेलमा सुदूरपश्चिमले जनकपुरलाई ७२ रनले पराजित गरेको थियो । सुदूरपश्चिमले पछिल्लो खेलको टोलीमा कुनै परिवर्तन गरेको छैन । सुदूरपश्चिम रोयल्सको प्लेइङ-११ […]
