एजेन्सी – विश्व क्रिकेटका स्टार अलराउन्डर बेन स्टोक्सले ओडिआई क्रिकेटबाट सन्न्यास लिने भएका छन् । स्टोक्सले मंगलबार दक्षिण अफ्रिकासँग हुने पहिलो ओडिआईबाट सन्न्यास लिने घोषणा गरेका छन् ।

बेन स्टोक्सको सानदार प्रदर्शनको सहयोगमा इंग्ल्यान्डले २०१९ मा पहिलो पटक एकदिवसिय विश्वकप उपाधि जितेको थियो । ८४ रनको अविजित इनिङ खेल्दै सुपर ओभर पनि टाई हुँदै इंग्ल्यान्डले उपाधि जितेको थियो । बायाँ हाते ३१ वर्षीय अलराउन्डर स्टोक्सले अन्य खेलाडीलाई अवसर दिन सन्न्यास लिने बताएका छन् ।

स्टोक्स अघिल्लो महिना टेस्ट कप्तानमा नियुक्त भएका थिए । पहिलो कप्तानीमै न्युजिल्यान्डलाई तीन टेस्ट खेलको सिरिजमा क्लिनस्विप गरेका थिए । ‘म यो शैलीको खेलमा टोलीलाई शतप्रतिशत दिन सक्दिैन । आफैंलाई असुरक्षित लागेकोछ’, स्टोक्सले भनेका छन् ।

‘यो गर्न अविश्वसनिय रुपमा कठिन निर्णय भएको छ । मलाई इंग्ल्यान्डका खेलाडीसँग खेल्न धेरै मनपर्छ । हामीले अविश्वसनिय यात्रा गरेका छौं’, स्टोक्सले भनेका छन् । टेस्ट र टि२० मा भने शतप्रतिशत दिने बताएका छन् । गतवर्ष स्टोक्सले मानसिक कारण देखाउँदै क्रिकेटबाट विश्राम लिएका थिए ।

‘तीनै शैली मेरो लागि टिकाउ छैन । मेरो शरीरिलाई पनि त्यस्तो लागेको छ । मैले अर्को एकको स्थान लिई राखेको छु । जुन जोश पूरा टोलीलाई चाहिँएको छ ।’

२०१९ को विश्वकप जित्ने सदस्यबाट सन्न्यास लिने स्टोक्स दोस्रो खेलाडी हुन् । यसअघि मोर्गनले भने सबै शैलीबाट सन्न्यास लिएका छन् ।

न्युजिल्यान्डमा जन्मिएर इंग्ल्यान्डबाट क्रिकेट खेलेका स्टोक्सले १ सय ४ ओडिआई खेलमा ३ शतक र २१ अर्धशतकसहित २ हजार ९ सय १९ रन बनाएका छन् । ७४ विकेट लिएका छन् । स्टोक्सले २०११ मा आयरल्यान्डविरुद्ध ओडिआईमा डेब्यू गरेका थिए । अन्तिम खेल दक्षिण अफ्रिकाविरुद्ध खेले ।

भारतसँग तीन ओडिआई खेलमा उनी डक, २१ र २७ रनमा आउट भएका थिए । उनले ८३ टेस्ट र ३४ टि२० आई खेल खेलेका छन् ।