काठमाडौं (हाम्रोखेलकुद)- श्रीलंकामा जारी एसियान क्रीकेट काउन्सिल यु-१९ एसिया कपको पहिलो खेलमा नेपाल आयोजक राष्ट्र श्रीलंकासँग १ रनले पराजित भएको छ । नेपालले टस जित्दै फिल्डिङ गर्ने निर्णय लिएपछी श्रीलंकाले २२८रनको लक्ष्य दिएको थियो, नेपालले उक्त लक्ष्य पछ्याउद ४९.३ ओभरमा सम्पूर्ण विकेट गुमाउदै २२६ रन बनाएको थियो । 

पहिले ब्याटिङ गर्न आएको श्रीलंकाले खेलको पहिलो बलमै  झाट्का बेहोर्न पर्‍यो, ओपनर चाथुरङा कमल सिंह ऐरीको बलमा गोल्डेन डक आउट भए । त्यसपछी तेस्रो नम्बरमा ब्याटिङ गर्न आएका हासिथा बायोगाडाले सर्बाधिक ८३ रन बनाएका थिए ।

सन्जुला र बन्दारा दुबैलेल २८ रन जोडेका थिए । नेपालकालागि कमल सिंह एरीले ३, पवन शरफले २ र दिपेन्द्र सिंह ऐरीले १ विकेट लिए भने श्रीलंकाका २ खेलाडी रनआउट भएका थिए।

२२८ रनको लक्ष्यको पछी गरेको नेपालले खराब सुरुवात गरे पनि मिडल अर्डरमा दिपेन्द्र सिंह ऐरेले शानदार पारी खेलेपछी नेपालले रोचक तरिकाले खेलमा कमब्याक गरेको थियो ।अन्तिम ओभरमा १ विकेट बाकी रहदा ८ रन जितकोलागी बांकी रहँदा दीपेन्द्र स्ट्राइकमा थिए । ऐरेले दोस्रो बलमा छक्का प्रहार गर्दै जित्न २ रन बाकी हुँदा उनि आउट भएपछी नेपालले हारको सामना गरेको थियो । ९ चौका र १ छक्का प्रहार गर्दै ऐरेले ९९ बलमा ९० रन जोडेका थिए ।

नेपालका लागि सर्बाधिक दिपेन्द्र सिंह ऐरीले ९० रन बनाए भने आदिल खानले ३९, प्रकाश केसीले १४, अविनाश कर्णले ४० बनाएका थिए । श्रीलंकाका लागि मेन्डेसले ३ तथा गमागे, श्रीलंकाका लागि मेन्डेसले ३ तथा गमागे, रन्सिक, डानियल, जयविक्रमा र बन्द राले एक एक विकेट लिए ।