2 years ago
July 11, 2022
काठमाडौं (हाम्रो खेलकुद) – स्कटल्यान्ड भ्रमणमा रहेको नेपालले आइसिसी विश्वकप लिग–२ त्रिकोणात्मक ओडिआई सिरिजमा आज नामिबियासँग खेल्दैछ । खेल नेपाली समय अनुसार दिउँसो ३ : १५ मा क्याम्बुस्दुन न्यू ग्राउन्डमा सुरु हुनेछ ।
नेपाल बलियो टोली नामिबियालाई हराउँदै स्कटल्यान्डमा सानदार सुरुवात गर्न चाहन्छ । तर त्यसको लागि नेपाली ब्याटरले जिम्मेवारी प्रदर्शन गर्नुपर्ने हुन्छ । ओडिआईमा नामिबिया र नेपालले पहिलो पटक भिड्न लागेका हुन् । स्कटल्यान्डको पिच तीव्र गतिका बलरलाई बढी सहयोग मिल्ने गर्दछ । पहिलो खेलमा स्कटल्यान्डका शफ्यान शरिफले पनि नामिबियाविरुद्ध पाँच विकेट लिएका थिए ।
नेपालले ओपनिङ आसिफ शेख र कुशल भुर्तेललाई गराउने छ । यी दुबै नेपालका पहिलो रोजाईका ओपनर हुन् । आसिफ विकेटकिपरको रुपमा खेल्ने सम्भावनाछ । कुशल आक्रामक र आसिफ संयमित रुपमा खेल्ने रणनीति बनाउन सक्छ । तेस्रो नम्बरमा देव खनाल हुनेछन् । युवा ब्याटर देव खनाललाई जिम्मेवारीका साथ आफ्नो स्ट्राइकरेटमा ध्यान दिँदै रन बनाउनु पर्ने हुन्छ । देवको खेल्ने शैली केहि सुस्त छ ।
त्यसपछि नेपालका प्रमुख दुई ब्याटर रोहित पौडेल र दीपेन्द्रसिंह ऐरी हुनेछन् । दीपेन्द्रले पछिल्लो समय राम्रो प्रदर्शन गर्न सकेका छैनन् । दीपेन्द्रलाई जिम्मेवारी इनिङ खेल्न आवश्यक छ । रोहित र दीपेन्द्रको ब्याटिङमा टोलीको योगफल बढी निर्भर हुनसक्छ ।
नेपालले आरिफ शेखलाई निरन्तरता दिने सम्भावना छ । आरिफ मध्य गतिका बलरको रुपमा खेल्नेछन् । आदिल अन्सारी पनि अलराउन्डरको रुपमा खेल्नेछन् । आदिलबाट नेपाल विष्फोटक अन्त्य र आवश्यक परेको खण्डमा कसिलो बलिङ चाहन्छ । नेपालले स्पिनरमा बसिर अहमद र सन्दीप लामिछानेलाई खेलाउने सम्भावना छ ।
बसिर नेपाली टोलीमा डेब्यू गर्नेछन् । बसिर बायाँ हाते खेलाडी हुँदा मध्यक्रममा विकेट लिनुपर्ने हुन्छ । ब्याटिङको पनि आशा गर्न सकिन्छ । आठौं र नवौं नम्बरमा सोमपाल कामी र करण केसी हुनेछन् । यी दुबै राम्रो ब्याटिङको क्षमता राख्छन् । करणले पछिल्लो समय लगातार राम्रो बलिङ गर्दै आएका छन् ।
सोमपालले संघर्ष गरेका छन् । करणलाई सोमपालले राम्रो साथ दिन आवश्यक देखिन्छ । बसिर र सन्दीप तल्लोक्रममा खेल्ने सम्भावना छ । आवश्यकता अनुसार बसिरलाई नेपालले मध्यक्रममा पनि प्रयोग गर्न सक्छ । दीपेन्द्रले स्पिन पार्टटाइमको रुपमा साथ दिनेछन् । आरिफ र आदिल तीव्र गतिका पार्टटाइम बलर हुनेछन् ।
नेपालको सम्भावित प्लेइङ ११ :
आसिफ शेख (विकेटकिपर), कुशल भुर्तेल, देव खनाल, रोहित पौडेल (उपकप्तान), दीपेन्द्रसिंह ऐरी, आरिफ शेख, आदिल अन्सारी, सोमपाल कामी, करण केसी, सन्दीप लामिछाने (कप्तान) र बसिर अहमद ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]