काठमाडौं (हाम्रो खेलकुद) – नेपालले एसिसी महिला टि२० च्याम्पियनसिपमा भुटानविरुद्ध पहिला ब्याटिङ गर्ने भएको छ । युकेएम एसडी क्रिकेट ओभल बांगीमा नेपालकी कप्तान रुविना क्षेत्रीले टस जितेर पहिला ब्याटिङ गर्ने निर्णय लिएकी हुन् ।

समूह बी मा रहेको नेपाल कमजोर भुटानमाथि सानदार जितका साथ विजयी सुरुवात गर्ने सोचका साथ मैदान उत्रने छ । भुटानविरुद्ध फराकिलो जितसँगै नेपाललाई कीर्तिमान बनाउने अवसर समेत हुनेछ ।

समूह बी मा नेपाल, हङकङ, कुवेत, भुटान र बहराइन छन् । समूह ए मा युएई, मलेसिया, ओमान, कतार र सिंगापुर छन् । शीर्ष दुई दुई टोली सेमिफाइनलमा पुग्नेछन् । फाइनल पुग्ने दुई टोली एसिया कप महिला टि२० क्रिकेट प्रतियोगिता खेल्न पाउने छन् । जहाँ भारत, पाकिस्तान, बंगलादेश, श्रीलंका हुनेछन् । नेपाल पनि प्रतियोगितामा उपाधिको प्रमुख दाबेदार टोली हो ।

समूह बी को सर्वाधिक बलियो टोली हो । सीता रानामगर, रुविना क्षेत्री, कविता कुँवर र ज्योति पाण्डे प्रमुख खेलाडी हुन् । अघिल्लो महिना युगान्डासँग पाँच महिला टि२० आई सिरिज खेलेको नेपाल त्यहाँबाट गल्ती दोहोराउने सोचमा भने हुने छैन । नेपाली महिला टोली टि२० आई विश्व वरियतामा १७ औं र भुटान ४७ औं स्थानमा छ ।

नेपाल र भुटानबीच महिला टि२० आईमा एक खेल भएको छ । गत पुषमा आइसिसी वुमन्स टि२० विश्वकप एसिया क्षेत्र छनोटमा नेपालले भुटानलाई ८ विकेटले हराएको थियो । नेपाली ब्याटरलाई आक्रामक क्रिकेट खेल्न भने आवश्यक देखिन्छ ।

नेपालको प्लेइङ ११ :

अश्मिना कर्माचार्य, विन्दु रावल, ज्योति पाण्डे, कविता कुँवर, इन्दु बर्मा, डली भट्ट काजोल श्रेष्ठ, ममता चौधरी, रुविना क्षेत्री, संगिता राई र सीता रानामगर ।