काठमाडौं (हाम्रो खेलकुद) – नेपालले आइसिसी विश्वकप लिग–२ त्रिकोणात्मक ओडिआई सिरिजमा स्कटल्यान्ड भ्रमण अघि क्यानडा भ्रमण गर्ने भएको छ । नेपालले क्यानडासँग दुई टि२० आई र दुई एकदिवसिय अभ्यास खेलको लागि भ्रमण गर्ने नेपाल क्रिकेट संघ (क्यान) ले जनाएको छ ।

नेपाल असार १२ मा क्यानडा भ्रमणमा निस्किनछ । त्यसको एकदिनपछि नेपालले क्यानडासँग असार १४ (जुन २८) माक्यानडासँग पहिलो खेल खेल्नेछ । नेपालले क्यानडासँगको सिरिज पछि स्कटल्यान्ड भ्रमणमा निस्कनेछ । आइसिसी विश्वकप लिग–२ त्रिकोणात्मक सिरिजमा स्कटल्यान्ड, नेपाल र नामिबिया हुनेछन् ।

क्यानडासँगको दुई टि२० आई सिरिज नेपाललाई वरियता बढाउन निकै महत्वपूर्ण हुनेछ । २०२४ मा वेस्टइन्डिज र अमेरिमा हुने टि२० विश्वकपमा दुई टोली वरियताको आधारमा पुग्नेछन् । नेपाल वर्तमान अवस्थामा १३ औं स्थानमा छ । सोझैं छनोट हुन ११ वा औं स्थान भित्र हुनुपर्ने हुन्छ ।

विश्वकप लिग–२ मा स्कटल्यान्ड भ्रमण निकै महत्वपूर्ण हुनेछ । नेपाल बिहीबार अमेमिरका भ्रमणमा भने कमजोर प्रदर्शनका साथ फर्किएको छ । अमेरिका र ओमानसँगको सिरिजमा नेपाल दुई खेलमा पराजित, एक खेलमा जित र एक खेल टाई भयो । नेपाल १६ खेलमा ७ मा जित र ८ मा हारका साथ १५ अंक जोड्दै पाँचौं स्थानमा छ ।

क्यानडामा नेपालको खेलको तालिका

असार १४ (जुन २८) – नेपालविरुद्ध क्यानडा, पहिलो टि२० आई

असार १५ ( जुन २९) -नेपालविरुद्ध क्यानडा, दोस्रो टि२० आई

असार २० (जुलाई ४) – नेपालविरुद्ध क्यानडा, पहिलो एकदिवसिय खेल

असार २१ ( जुलाई ५) – नेपालविरुद्ध क्यानडा, दोस्रो एकदिवसिय खेल

स्कटल्यान्ड भ्रमणमा नेपालको खेल तालिका

असार २७ ( जुलाई ११) – नामिवियाविरुद्ध नेपाल

असार २९ ( जुलाई १३) – स्कटल्यान्डविरुद्ध नेपाल

असार ३२ ( जुलाई १६) – नेपालविरुद्ध नामिबिया

साउन १ ( जुलाई १७) – नेपालविरुद्ध स्कटल्यान्ड