default_image

2 years ago

May 29, 2022

आइपिएल उपाधिको लागि राजस्थान र गुजरात भिड्दै

93 views

0 Bookmark

एजेन्सी – इन्डियन प्रिमियर लिग (आइपिएल) २०२२ को फाइनलमा आज राजस्थान रोयल्स र गुजरात टाइटन्सबीच प्रतिस्पर्धा हुँदै छ । खेल विश्वको सर्वाधिक ठूलो क्रिकेट मैदान नरेन्द्र मोदी स्टेडियम अहमदाबादमा साँझ ८ : १५ बाट सुरु हुनेछ ।

राजस्थान दोस्रो पटक र गुजरात सहभागी पहिलो सिजनमै च्याम्पियन बन्ने सोचमा छन् । गुजरातले पहिलो क्वालिफायरमा राजस्थानलाई ७ विकेटले हराउँदै फाइनलमा स्थान बनाएको थियो । राजस्थानले दोस्रो क्वालिफायरमा रोयल च्यालेन्जर्स बेंगलोरलाई ७ विकेटले हराउँदै फाइनलमा पुगेको थियो ।

भारतीय अलराउन्डर हार्दिक पान्ड्याको कप्तानीमा रहेको गुजरात पहिलो सिजनमै च्याम्पियन बन्न चाहन्छ । राजस्थान २००८ पछि पहिलो उपाधि जित्ने सोचमा हुनेछ । सञ्जु स्यामसनको कप्तानीमा रहेको राजस्थान दोस्रो पटक फाइनलमा पुगेको हो ।

यस सिजनमा राजस्थान र गुजरातबीच दुई खेल भएका छन् । दुबै खेलमा गुजरात विजयी भएको छ । लिगको खेलमा गुजरातले राजस्थानलाई ३७ रनले पराजित गरेको थियो । पहिलो क्वालिफायरमा अन्तिम ६ बलमा १६ रन चाहिँएको अवस्थामा डेविड मिलरले प्रसिद्ध कृष्णलाई लगातार तीन छक्का प्रहार गर्दै फाइनलमा पुर्याएका थिए ।

राजस्थानका जस बटलर, युजभेन्द्र चहल, सञ्जु स्यामसन, ट्रेन्ट बोल्ट म्याच विनर खेलाडी हुन् । बटलरले यस सिजनमा चार शतकसहित ८ सय २४ रन बनाई सकेका छन् । चहलले २६ विकेट लिई सकेका छन् । बटलर आजको खेलमा शतक प्रहार गरे आइपिएलमा एकै सिजनमा सर्वाधिक शतक प्रहार गर्ने पहिलो खेलाडी बन्नेछन् । यसअघि सन् २०१६ मा बेंगलोरबाट विराट कोहलीले एकै सिजनमा ४ शतक प्रहार गरेका थिए ।

राजस्थानलाई च्याम्पियन बन्न बटलरको प्रदर्शन महत्वपूर्ण हुनेछ । बटलर सुरुवाती केहि समय लिँदै म्याच फिनिसर बन्दै अन्तिममा ठूलो योागफल बनाउँदै आएका छन् । बटलरलाई सञ्जु स्यामसन र शिम्रन हेटमायरले राम्रो साथ दिनुपर्छ । बटलर चाँडै आउट हुँदा राजस्थानलाई भने उपाधि जित्न कठिन पर्न सक्छ । युवा ओपनर यशस्वी जैसवाल, देवदत्त पाडिक्कल र रियान पनि नायक बन्नसक्छन् । राजस्थानको यस सिजनमा उत्कृष्ट बलिङ आक्रामण छ ।

तीव्र गतिका बलर ट्रेन्ट बोल्ट, ओबेद म्याकोय र प्रसिद्ध कृष्ण छन् । कृष्ण र म्याकोयले दोस्रो क्वालिफायरमा उच्च प्रदर्शन गर्दै आएका छन् । बोल्टले नयाँ बलका साथ सानदार प्रदर्शन गर्दै आएका छन् । स्पिनर युजभेन्द्र चहल र रविचन्द्रन आश्विनको जोडीको प्रदर्शन अझैं महत्वपूर्ण हुनेछ । चहललाई पर्पल क्याप जित्न आजको खेलमा कम्तिमा एक विकेट लिनुपर्छ । बेंगलोरका हर्षल पटेल र चहलको समान २६ विकेट छ ।

यता गुजरातका ओपनर ऋद्धिमान शाह र शुभमन गिल छन् । टेस्टका लागि परिचित शाहले यस सिजनमा राम्रो प्रदर्शन गरेका छन् । गुजरातको फिनिसिङ लाइनअप राम्रो छ । त्यसैले शीर्ष ब्याटरले राम्रो सुरुवात दिनुपर्छ । म्याथ्यु वेड तेस्रो र हार्दिक पान्ड्या चौथो स्थानमा हुनेछन् । यी दुई ब्याटरको प्रदर्शनले धेरै निर्भर रहनेछ । फिनिसरमा डेविड मिलर, राहुल टेवाटिया र राशिद खान छन् । मिलरले यस सिजनमा लगायतार उच्च प्रदर्शन गर्दै आएका छन् । टेवाटियाले फिनिसरमा राम्रो छाप छाडेका छन् ।

गुजरातको बलिङ आक्रामण पनि बलियो छ । युवा बायाँ हाते तीव्र गतिका बलर मोहसिन खानले नयाँ बलका साथ लगातार विकेट लिँदै आएका छन् । उनलाई मोहम्मद शामीले साथ दिनेछन् । शामी, खान र लोकी फर्गुसन तीव्र गतिका बलर हुन् । राशिद खान, राहुल टेवाटिया र रविश्रीनिवास साई किशोर स्पिनर हुन् । यी दुई टोलीबीच फाइनलमा कडा प्रतिस्पर्धा हुने अनुमान गरिएको छ ।

September 29, 2024

टि ट्वान्टीमा पनि हारबाट नेपालको सुरुवात

काठमाडौं(हाम्रो खेलकुद) – नेपालले क्यानडामा लगातार चौथो बेहोरेको छ । क्यानडामा आजबाट सुरु भएको त्रिकोणात्मक टि ट्वान्टी सिरिजमा घरेलु टोलीले नेपाललाई १४ रनले हराएको छ । यसअघि नेपालले ओडिआई सिरिजमा क्यानडासँग २ तथा ओमानसँग १ खेलमा हारको सामना गरेको थियो।क्यानडाको किंग सिटीमा शनिवार १ सय २४ रनको लक्ष्य पछ्याएको नेपाल १९ ओभरमा १ सय ९ […]

September 28, 2024

क्यानडाले दियो नेपाललाई मध्यम लक्ष्य

काठमाडौं(हाम्रो खेलकुद) – क्यानडामा आज सुरु भएको त्रिकोणात्मक टि ट्वान्टी सिरिजमा घरेलु टोलीले नेपाललाई १ सय २४ रनको मध्यम लक्ष्य दिएको छ । क्यानडाको किंग सिटीमा टस हारेर ब्याटिङको निम्ता पाएको घरेलु टोलीले निर्धारित २० ओभरमा ८ विकेट गुमाएर १ सय २३ रनको योगफल बनायो । क्यानडाका लागि साद विन जाफरले १८ बलमा सर्वाधिक २३ […]

September 28, 2024

रिजनलाई डेब्युमा नै विकेट

काठमाडौं(हाम्रो खेलकुद) – तीव्र गतिका बलर रिजन ढकालले टि ट्वान्टी आई डेब्यु खेलमा नै विकेट लिएका छन् । क्यानडामा आजबाट सुरु त्रिकोणात्मक टि ट्वान्टी सिरिजमा घरेलु टोलीविरुद्ध खेलमा रिजनले डेब्यु गरेका थिए । रिजनले क्यानडाका ओपनर आरोन जोनसनलाई ९ बलमा ९ रन बनाउँदा आउट गराएका हुन् । रिजनले आफ्नो दोस्रो ओभरको पहिलो बलमा नै विकेट […]

Success

Thank you for your time.