3 years ago
May 28, 2022
काठमाडौं (हाम्रो खेलकुद) – युवा तथा खेलकुदमन्त्री महेश्वरजंग गहतराजले नेपाल क्रिकेट संघ (क्यान) ले आयोजना गर्ने प्रतियोगिता नै आधिकारीक हुने बताएका छन् । शनिबार आइसिसी विश्वकप लिग–२ त्रिकोणात्मक ओडिआई सिरिज खेल्न अमेरिका जाने नेपाली टोलीलाई विदाई गर्नेक्रममा खेलकुदमन्त्री गहतराजतले उक्त प्रतिक्रियता दिएका हुन् ।
‘पक्कैपनि अमेरिका भ्रमण महत्वपूर्ण अवसर हो । हामीले विश्वको एउटा ग्रास रुट देखि नै विकास गरेको देश र विश्वमै आफूलाई विकसित देशको रुपमा खडा गरेको अमेरिकामा हाम्रो नेपाली क्रिकेट टोली पहिलो पटक खेल्न जादैछ । तपाईंहरुको उत्कृष्ट प्रदर्शनले त्यहाँ खेल्ने अवसर भएको छ’, खेलकुद मन्त्री महेश्वरजंग गहतराजले भने ।
‘मलाई लाग्छ तीन देशको खेलको बीचमा हामी तपाईहरु उत्कृष्ट भएको हेर्न चाहन्छौं । म त्यसको लागि शुभकामना दिन चाहन्छु’, खेलाडीलाई विदाई गर्दै उनले भने ।
इपिएलले क्यान र भारतीय कम्पनीबीच भएको सम्झौता नेपालको कानुन विपरित रहेको र यो प्रक्रिया पारदर्शी नभएको भन्दै विरोध जनाउँदै आएको छ । इपिएल र सहभागी टोलीले प्रतियोगिता आयोजना गर्न दिएको निर्णय तत्काल रोक्का गर्न (स्टे अर्डर) को मागसहित सर्वोच्चमा रिट निवेदन दायर गरेको थियो । त्यसैलाई लक्षित गर्दै खेलकुदमन्त्री गहतराजतले सबै समस्या नेपालमै समाधान हुने बताएका छन् ।
‘ यो सामुहिक खेल हो । एउटाले राम्रो गरेर मात्र हुँदैन । सबैले त्यहिँ गतिमा खेल्नुपर्छ । विगदका समस्यालाई सुधार गर्दै खेल्नुपर्छ । खेलमा भावना, विचार र उदेश्यको विचारमा एक हुँदा हुँदै सामान्य गति हुन्छ । त्यसलाई सुधार गर्नुहुनेछ’, गहतराजले भने । त्यसैमा थपे, ‘नेपाललाई सम्झिएर खेल्नुहुनेछ । आफ्नो देशबाट बाहिर जादा देशभित्रका समस्या सम्झिनु हुँदैन । हाम्रो देश महान् छ । हामी महान् छौं र देशलाई महान् बनाउनुपर्छ भन्ने सम्झनुपर्छ ।’
‘क्यानभित्र थुप्रै समस्या छन् । नेपाल भित्र थुप्रै समस्या देखिएका छन् । नेपाल टि२० लिगको एउटा तयारीमा छौं । त्यहिँ तयारीमा भएको बेला एउटा नकारात्मक परिघटना तपाईंहरुले सुनी राख्नु भएको छ । यी समस्याको समाधान हामी नेपालमै गर्छौ । किनकी नेपालमा क्रिकेटको आधिकारीक निकाय भने क्याननै हो । क्यानले जे खेल सञ्चालन र प्रतियोगिता आयोजना गर्छ त्यो नै आधिकारीक हो’, उनले भने ।
इपिएलले नेपाल टि२० लिग आयोजना भएपछि पनि आफूहरुले आयोजना गर्न पाउने बताउँदै आएका थिए । तर क्यानले एक देशमा एउटा मात्र लिग हुने हुँदा इपिएललाई मान्यता दिन नसक्ने जनाएको थियो ।
December 18, 2024
काठमाडौं(हाम्रो खेलकुद) – ओपनर विनोद भण्डारीको नटआउट अर्धशतकमा सिद्धार्थ बैंक नेपाल प्रिमियर लिग (एनपिएल) मा सुदूरपश्चिम रोयल्सले जनकपुर बोल्ट्सबाट पराजित गर्दै फाइनल प्रवेश गरेको छ । टियु मैदानमा बुधवार भएको पहिलो क्वालिफायर खेलमा जनकपुरमाथि सुदूरपश्चिमले ८ विकेटको जित हात पार्यो । जितका लागि १ सय ४० रनको मध्यम लक्ष्य सुदूरपश्चिमले १८.३ ओभरमा २ विकेट गुमाएर […]
December 18, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा फाइनल प्रवेशका लागि सुदूरपश्चिम रोयल्सले जनकपुर बोल्ट्सबाट मध्यम लक्ष्य पाएको छ । टियु मैदानमा जारी एनपिएलको दोस्रो क्वालिफायर खेलमा जनकपुरले सुदूरपश्चिमलाई जितका लागि १ सय ४० रनको मध्यम लक्ष्य दिएको हो । टस जितेर पहिले ब्याटिङ गरेको जनकपुरले निर्धारित २० ओभरमा ८ विकेट गुमाएर १ सय […]
December 18, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल)को पहिलो क्वालिफायर खेलमा जनकपुर बोल्ट्सले सुदूरपश्चिम रोयल्सविरुद्ध टस जितेको छ । टियु क्रिकेट मैदानमा जनकपुरका कप्तान आसिफ शेखले टस जितेर ब्याटिङ रोजेका हुन् । लिग चरणको खेलमा सुदूरपश्चिमले जनकपुरलाई ७२ रनले पराजित गरेको थियो । सुदूरपश्चिमले पछिल्लो खेलको टोलीमा कुनै परिवर्तन गरेको छैन । सुदूरपश्चिम रोयल्सको प्लेइङ-११ […]
