काठमाडौं (हाम्रो खेलकुद) – नेपाल टि२० लिग आगमी असोज ८ देखि कार्तिक ५ ( सेप्टेम्बर २४ देखि अक्टोबर २२ ) सम्म आयोजना हुने भएको छ । नेपाल क्रिकेट संघ (क्यान) ले बुधबार एक पत्रकार सम्मेलना गर्दै मिति घोषणा गरेको छ ।

नेपाल टि२० लिग आगमी असोज ८ देखि सुरु हुनेछ । फाइनल कार्तिक ५ मा हुनेछ । प्रतियोगिता टियु क्रिकेट मैदानमा हुनेछ । प्रतियोगिता होम तथा अवेका रुपमा गरि डबल राउन्ड रोबिनको आधारमा हुनेछ । पहिलो वर्ष ६ टोलीमात्र हुनेछन् । प्रतियोगिता झण्डै एक महिना सम्म चल्नेछ । ६ शहरको नाममा फ्रेन्चाइज टोलीको नाममा रहने क्यानले जनाएको छ ।

आगमी सिजनदेखि टोली संख्या बढाउँदै जाने क्यानका प्रशान्त विक्रम मल्लले जानकारी दिए । अक्सनमा खेलाडी ए, बी र सी ग्रेडमा विभाजन गरिनेछ । सी ग्रेडको खेलाडीले कम्तिमा पाँच लाख रुपैयाँ पाउने क्यान चन्दले जनाए ।

पाँचौं संस्करणको एभरेष्ट प्रिमियर लिग (इपिएल) आगमी कार्तिक २६ देखि मंसिर १० (नोभेमबर १२ देखि २६) सम्म आयोजना हुने आयोजकले जानएको छ । तर क्यानले अइपिएललाई मिति नदिएको जनाएको छ । इपिएल अहिलेको शैलीमा हुन नसक्ने क्यानले प्रष्ट पारेको छ ।

‘दुई वर्षको प्रयासपछि हामीले आज घोषणा गरेका छौं । यसले नेपालको क्रिकेट विकासमात्र होईन, आर्थिक विकास, पर्यटकीय र ब्यवसाहिक हिसाबले फड्को मार्ने विश्वास लिएका छौं’, क्यानका अध्यक्ष चतुर बहादुर चन्दले भने ।

भारतीय कम्पिनी सेभेन थ्रि स्पोट्र्स नेपाल टि२० लिगको रणनीतिक र कर्मसियल साझेदारीको रुपमा रहनेछ । क्यानले नेपाल टि२० आयोजना गर्न यसअसघि नै सेभेन थ्रि स्पोट्र्ससँग ८ वर्षको लागि ३३ करोडको बेचि सकेको छ ।