काठमाडौं (हाम्रो खेलकुद)– राष्ट्रिय क्रिकेट टोलीका कप्तान पारस खड्का र उपकप्तान ज्ञानेन्द्र मल्ल सम्मिलित टोलीले शुक्रबार मैत्रीपूर्ण सेभन ए साइड फुटसलमा नेपाल खेलकुद पत्रकार मञ्चलाई ७–६ ले हराएको छ ।

फुटसल एरिना, बौद्धमा भएको खेलमा क्रिकेट टोलीका लागि नेपाल क्रिकेट संघ (क्यान) का चिफ अपरेसेन्स अफिसर (सिओसो) छुम्बी लामाले ह्याट्रिक गरेका थिए भने पारस, ज्ञानेन्द्र, नरेश बुढाएर र राजेश श्रेष्ठले १-१ गोल गरे । ज्ञानेन्द्रले विजयी गोल गरेका थिए । झन्डै २ महिना अमेरिका बसाई पछि पारस बिहीबार मात्र फर्केका थिए ।

केही साताअघि पारस,ज्ञानेन्द्रसहित ८ राष्ट्रिय खेलाडी अमेरिकामा टुएक्स क्रिकेट युएसए कप खेल्न अमेरिका पुगेका थिए । उनीहरु सम्मिलित नेपाल राइनोज क्रिकेट क्लबले ६० हजार अमेरिकी डलर पुरस्कार रहेको टुएक्स क्रिकेट प्रतियोगिताको उपाधि जितेको थियो । मञ्चविरुद्ध सुवास खकुरेलले गोलपोस्ट सम्हालका थिए भने विनोद भण्डारी पनि खेलेका थिए । मञ्चका लागि दिल तामाङले ह्याट्रिक गरे भने प्रजित शाक्यले २ र बासुदेव अवालले १ गोल गरे ।