एजेन्सी – इन्डियन प्रिमियर लिग (आइपिएल) मा सुरुवाती ७ खेल हार्ने मुम्बई इन्डियन्स पहिलो टोली बनेको छ । बिहीबार राती चेन्नई सुपर किंग्ससँग ३ विकेटले पराजित भएपछि सर्वाधिक पाँच उपाधि जित्ने टोली मुम्बई सुरुवाती ७ खेल हार्ने आइपिएल इतिहासकै पहिलो टोली बनेको छ ।

यसअघि सुरुवाती ६ खेल मात्र गुमाउने दुई टोली थिए । सन् २०१३ मा दिल्ली डेयर डेभिल्स (दिल्ली क्यापिटल्स) र २०१९ मा रोयल च्यालेन्जर्स बेंगलोरले सुरुवाती ६ खेल हारेका थिए । तर यस सिजनमा मुम्बईले सुरुवाती ७ खेल नै हार्न पुगेको छ । लगातार ७ हारले मुम्बईको अघिल्लो चरणपनि लगभग सकिएको छ ।

मुम्बई पहिलो खेलमा दिल्लीसँग ४ विकेट, राजस्थान रोयल्ससँग २३ रन, कोलकाता नाइट राइडर्ससँग ५ विकेट र रोयल च्यालेन्जर्स बेंगलोरसँग ७ विकेटले पराजित भएको थियो । त्यस्तै पन्जाब किंग्ससँग १२ रन, लखनऊ सुपर जायन्ट्ससँग १८ रन र चेन्नईसँग ३ विकेटले पराजित भएको हो । मुम्बईले अव आइपिएलमा ७ खेल खेल्न बाँकी छ । ७ खेल नै जितेपनि अघिल्लो चरणको सम्भावना भने देखिदैन ।

मुम्बईले २४ अप्रिलमा लखनऊ, ३० अप्रिलमा राजस्थान, ६ मे मा गुजरात र ९ मे मा कोलकातासँग खेल्नेछ । त्यस्तै १२ मे मा चेन्नई, १७ मे मा हैदराबाद र लिगको अन्तिम खेल २१ मे मा दिल्लीसँग खेल्नेछ ।

सन् २०१३, २०१५, २०१७, २०१९ र २०२० मा मुम्बईले उपाधि जितेको थियो । मेगा अक्सनको कारण नयाँ टिम निर्माण, ओपनरको खराब लय, कमजोर मध्यक्रम ब्याटिङ, कमजोर बलिङ आक्रामणले मुम्बईको प्रदर्शन खराब हुन पुगेको छ ।

यो पनि : मुम्बईले इतिहासकै खराब प्रदर्शन गर्नुको पाँच कारण