2 years ago
April 16, 2022
एजेन्सी – पाँच पटकको च्याम्पियन मुम्बई इन्डियन्सले इन्डियन प्रिमियर लिग (आइपिएल) २०२२ मा लगातार छैटौं हार बेहोरेको छ । मुम्बई शुक्रबार लखनऊ सुपर जायन्ट्ससँग १८ रनले पराजित भएपछि आफ्नो इतिहासकै खराब सुरुवात गरेको हो । यो जितसँगै लखनऊ ८ अंकका साथ दोस्रो स्थानमा उक्लिएको छ ।
जितका लागि २ सय रनको विशाल विजयी लक्ष्य पछ्याएको मुम्बईले निर्धारित २० ओभरमा ९ विकेट गुमाउँदै १ सय ८१ रन बनायो । मुम्बईका सूर्य कुमार यादवले २७ बलमा ३ चौकासहित सर्वाधिक ३७ रन बनाए ।
मुम्बईका ओपनर पुन असफल भए । ओपनर ईशान किशन १३ रन र रोहित शर्मा ६ रनमा आउट भए । युवा ब्याटर डेवाल्ड ब्रेभिसले १३ बलमा ६ चौका र १ छक्कासहित ३१ रनमा आउट भए । तिलक बर्मा २६, फबिएन एलेन ८, जयदेव उनादकट १४ र मुरुगन आश्विन ६ रनमा आउट भए । काइरन पोलार्ड १४ बलमा १ चौका र २ छक्कासहित २५ रनमा आउट भए ।
आवेश खानले ४ ओभरमा ३० रन खर्चेर ३ विकेट लिए । दुश्मन्था चामिरा, मार्कस स्टोइनिस, रवि विश्रोई र जेसन होल्डरले १–१ विकेट लिए ।
त्यसअघि ब्रेबोन स्टेडियम मुम्बईमा टस हारेर ब्याटिङ थालेको लखनऊले निर्धारित २० ओभरमा ४ विकेट गुमाउँदै १ सय ९९ रन बनाएको थियो । लखनऊका कप्तान लोकेश राहुलले ६० बलमा ९ चौका र ५ छक्कासहित १ सय ३ रनको अविजित शतकीय इनिङ खेले । राहुलको यो आइपिएल करिअरको यो तेस्रो शतक हो ।
ओपनर क्विन्टन ड कक १३ बलमा ४ चौका र १ छक्कासहित २४ रनमा आउट भए । मनिष पाण्डे ३८, मार्कस स्टोइनिस १०, दीपक हुडा १५ रनमा आउट भए । मुम्बईका जयदेव उनादकटले ४ ओभरमा ३२ रन खर्चेर २ विकेट लिए । मुरुगन आश्विन र फबिएन एलेनले १(१ विकेट लिए ।
मुम्बई सुरुवाती ६ खेलमा हारका साथ पुछारमा छ । मुम्बईले आइपिएल इतिहासमा पहिलो पटक ६ सुरुवाती खेल गुमाएको हो । यसअघि मुम्बईले २०१४ मा सुरुवाती पाँच खेल लगातार गुमाएको थियो । मुम्बईले बिहीबार चेन्नई सुपरकिंग्ससँग खेल्नेछ । लखनऊको यो चौथो जित हो । लखनऊले मंगलबार रोयल च्यालेन्जर्स बेंगलोरसँग खेल्नेछ ।
अंक तालिका
गुजरात ५ खेलमा ४ मा जित र १ मा हार सहित शीर्षस्थानमा छ । लखनऊ ६ खेलमा ४ मा जित र २ मा हार सहित दोस्रो स्थानमा उक्लिएको छ । राजस्थान रोयल्स ५ खेलमा ३ मा जित र २ मा हार सहित ६ अंकका साथ तेस्रो स्थानमा छ । पन्जाब ५ खेलमा ३ मा जित र २ मा हार सहित चौथो स्थानमा छ । कोलकाता नाइट राइडर्स ६ खेलमा ३ मा जित र ३ मा हार सहित पाँचौं स्थानमा पुगेको छ ।
बेंगलोर ५ खेलमा ३ मा जित र २ मा हारसहित छैटौं स्थानमा छ । हैदराबाद ५ खेलमा ३ मा जित र २ मा हार सहित सातौं स्थानमा छ । दिल्ली ४ खेलमा २ मा जित र २ मा हार सहित आठौं स्थानमा छ । चेन्नई ५ खेलमा १ मा जित र ४ मा हार सहित नवौं स्थानमा छ । मुम्बई ६ खेलमा जित बिहीन हुँदै पुछारमा छ ।
July 2, 2024
सुशिल पन्त क्षेत्री, चितवनक्रिकेटर सन्दीप लामिछाने गृह जिल्ला चितवनमा समानित भएका छन् । सन्दीपलाई मंगलबार विभिन्न संस्थाले नगदसहित सम्मान गरेका हुन् । चितवन क्रिकेट संघ र सेन्ट्रल कलेज अफ भोकेसनल ट्रेनिङ प्रालिले उनलाई १ लाख रुपैयाँसहित सम्मान गरेको छ । सेन्ट्रल टावरमा आयोजित एक कार्यक्रमका बीच उनलाई सम्मान गरिएको हो । नेपाली क्रिकेटमा पुर्याएको योगदान […]
July 1, 2024
एजेन्सी – भारतीय क्रिकेट टोलीका अल राउन्डर रविन्द्र जडेजाले टि ट्वान्टी आई क्रिकेटबाट सन्न्यास लिएका छन्। भारतले शनिबार दक्षिण अफ्रिकालाई ७ रनले हराउँदैटि ट्वान्टीबाट विश्वकपको उपाधि जितेको थियो। त्यसपछि स्टार ब्याटर विराट कोहली र त्यसपछि कप्तान रोहित शर्माले टि ट्वान्टी आईबाट सन्न्यासको घोषणा गरेका थिए। त्यसपछि जडेजाले पनि टि ट्वान्टी आईबाट सन्न्यास लिएको घोषणा गरेका […]
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]