2 years ago
March 29, 2022
एजेन्सी – राजस्थान रोयल्सले इन्डियन प्रिमियर लिग (आइपिएल) २०२२ मा सानदार विजयी सुरुवात गरेको छ । पहिलो खेलमा सनराइजर्स हैदराबादलाई ६१ रनले हराउँदै उत्कृष्ट विजयी सुरुवात गरेको हो ।
२ सय ११ रनको विशाल विजयी लक्ष्य पछ्याएको हैदराबादले निर्धारित २० ओभरमा ७ विकेट गुमाउँदै १ सय ४९ रन बनायो । हैदराबादका लागि एडेन माक्ररमले ४१ बलमा ५ चौका र २ छक्कासहित सर्वाधिक ५७ रनको अविजित इनिङ खेले । अलराउन्डर वासिन्टन सुन्दरले १४ बलमा ५ चौका र २ छक्कासहित ४० रनको आक्रामक इनिङ खेलेपनि जितको लागि पर्याप्त भएन । सातौं विकेटका लागि सुन्दर र माक्ररमले १९ बलमा ५५ रनको विष्फोटक साझेदारी गरेका थिए ।
हैदराबादको शीर्ष चार ब्याटरको प्रदर्शन सम्झन लायक रहेन । ओपनर तथा कप्तान केन विलियम्सन दोस्रो ओभरको चौथो बलमा २ रनमा क्याच भए । तीव्र गतिका बलर प्रसिद्ध कृष्णको बलमा विलियम्सन फष्ट स्लिपमा देवदत्त पाडिक्कलबाट समातिन पुगे । कृष्णले राहुल त्रिपाठ्ठीलाई शून्यमा विकेटकिपर सन्जु स्यामसनबाट क्याच गराउँदै उत्कृष्ट सुरुवात दिलाए ।
९ बल खेलेका विकेटकिपर निकोलस पुरन ट्रेन्ट बोल्टको बलमा शून्यमा एलबीडब्लू आउट भएपछि हैदराबाद सुरुवातमै समस्यामा परेको थियो । ओपनर अभिषेक शर्मा १९ बलमा १ चौकासहित ९ रनमा स्पिनर युजभेन्द्र चहलको बलमा शिम्रन हेटमायरबाट क्याच आउट भए ।
अब्दुल सामद ४ र रोमारियो शेफर्ड २४ रनमा आउट हुन पुगे । यी दुबैलाई खेलाडीलाई चहलले पेभेलिएन फर्काएका थिए । शेफर्डले १८ बलमा २ छक्का प्रहार गरे ।
राजस्थानका स्पिनर युजभेन्द्र चहलले ४ ओभरमा २२ रन खर्चेर ३ विकेट लिए । प्रसिद्ध कृष्णले ४ ओभरमा १ मेडनसहित १६ रन खर्चेर २ विकेट लिए । ट्रेन्ट बोल्टले ४ ओभरमा १ मेडनसहित २३ रन खर्चेर २ विकेट लिए ।
त्यसअघि क्रिकेट एसोसियसन पुणेमा टस हारेर ब्याटिङ थालेको राजस्थानले निर्धारित २० ओभरमा ६ विकेट गुमाउँदै २ सय १० रन बनाएको थियो । राजस्थानका कप्तान सन्जु स्यामसनले २७ बलमा ३ चौका र ५ छक्कासहित सर्वाधिक ५५ रनको योगदान दिए । देवदत्त पाडिक्कल २९ बलमा ४ चौका र २ छक्कासहित ४१ रनमा उमरन मलिकको बलमा बोल्ड आउट भए ।
ओपनर यशस्वी जैसवाल र जस बटलरले पहिलो विकेटका लागि ६।१ ओभरमा ५८ रनको साझेदारी गर्दै राम्रो सुरुवात दिलाए । जैशवाल रोमारियो शेफर्डको बलमा एडेन माक्ररमबाट २० रनमा क्याच आउट भए । जैसवालले १६ बलमा २ चौका र १ छक्का प्रहार गरे । उमरन मलिकको बलमा बटलर कट बिहाइन्ड ३५ रनमा विकेटकिपर निकोलस पुरनबाट समातिए ।
आक्रामक सुरुवात दिलाएका बटलरले २८ बलमा ३ चौका र ३ छक्का प्रहार गरे । कप्तान केन विलियम्सनको रिभ्युमा बटलर आउट भएका थिए । त्यसअघि बटलरले शून्यमै जीवनदान पाएका थिए । भुवनेश्वर कुमारको पहिलो ओभरको पाँचौं बलमा खाता नखोली फष्ट स्लिपमा आउट साइट एज लागेर अब्दुल सामदबाट क्याच भएका थिए । पेभेलिएन फर्कि सकेका बटलर नो बलका कारण जीवनदान पाएका थिए ।
तल्लोक्रममा शिम्रन हेटमारले १३ बलमा २ चौका र ३ छक्कासहित ३३ रनको आक्रामक इनिङ खेले । उनी टि नटराजनको बलमा बोल्ड आउट भए । रियान पराग १२ रनमा आउट भए । हैदराबादका उमरन मलिकले ४ ओभरमा ३९ रन खर्चेर २ विकेट लिए । टि नटराजनले ४ ओभरमा ४३ रन खर्चेर २ विकेट लिए । भुवनेश्वर कुमार र रोमारियो शेफर्डले १-१ विकेट लिए । राजस्थानले अव शनिबार मुम्बई इन्डियन्ससँग खेल्नेछ । हैदराबादले सोमबार लखनऊ सुपर जायन्ट्ससँग खेल्नेछ ।
July 2, 2024
सुशिल पन्त क्षेत्री, चितवनक्रिकेटर सन्दीप लामिछाने गृह जिल्ला चितवनमा समानित भएका छन् । सन्दीपलाई मंगलबार विभिन्न संस्थाले नगदसहित सम्मान गरेका हुन् । चितवन क्रिकेट संघ र सेन्ट्रल कलेज अफ भोकेसनल ट्रेनिङ प्रालिले उनलाई १ लाख रुपैयाँसहित सम्मान गरेको छ । सेन्ट्रल टावरमा आयोजित एक कार्यक्रमका बीच उनलाई सम्मान गरिएको हो । नेपाली क्रिकेटमा पुर्याएको योगदान […]
July 1, 2024
एजेन्सी – भारतीय क्रिकेट टोलीका अल राउन्डर रविन्द्र जडेजाले टि ट्वान्टी आई क्रिकेटबाट सन्न्यास लिएका छन्। भारतले शनिबार दक्षिण अफ्रिकालाई ७ रनले हराउँदैटि ट्वान्टीबाट विश्वकपको उपाधि जितेको थियो। त्यसपछि स्टार ब्याटर विराट कोहली र त्यसपछि कप्तान रोहित शर्माले टि ट्वान्टी आईबाट सन्न्यासको घोषणा गरेका थिए। त्यसपछि जडेजाले पनि टि ट्वान्टी आईबाट सन्न्यास लिएको घोषणा गरेका […]
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]