3 years ago
March 24, 2022
काठमाडौं (हाम्रो खेलकुद) – नेपाल क्रिकेट संघ (क्यान) ले शुक्रबारदेखि घरेलु मैदानमा हुने दुई सिरिजको व्यापारिक, टिकट र प्रसारण अधिकार सन्बी होल्डिङ्ग्सलाई १ करोड २० लाख रुपैयाँमा विक्री गरेको छ ।
क्यानले पपुवा न्युगिनीसँग हुने दुई ओडिआई खेल तथा पपुवा न्युगिनी र मलेसियासँग हुने त्रिकोणात्मक टि२० आई सिरिजको सम्पूर्ण टिकट, व्यापारिक र प्रसारण अधिकार एकमुष्ठ उक्त कम्पनीलाई विक्री गरेको हो । क्यानका कोषअध्यक्ष रोशन सिंहका अनुसार दुई सिरिजको कुल खर्च १ करोड ४२ लाख ६० हजार रहनेछ ।
सन्बी होल्डिङ्ग्सले १ करोड २० लाख रुपैयाँमा अधिकार खरिद गरेको छ । बाँकी २२ लाख क्यानले आफैंले बेहोर्नेछ । प्रतियोगिता प्रत्यक्ष प्रसारण कान्तिपुर टेलिभिजनले गर्नेछ । नेपाल र पपुवा न्युगिनीबीच दुई ओडिआई खेलको टिकट मूल्य १ सय ५० रुपैयाँ तोकिएको छ ।
ओडिआई खेलको प्लेयर अफ द म्याचले १ सय ५० डलर अमेरिकी डलर (१८ हजार ३ सय नेपाली रुपैयाँ) पाउनेछन् । ओडिआईको प्लेयर अफ द सिरिजले ३ सय अमेरिकी डलर (३६ हजार ६ सय रुपैयाँ) पाउनेछन् । टि२० आईको प्लेयर अफ द म्याचले १ सय अमेरिकी डलर (१२ हजार २ सय नेपाली रुपैयाँ) पाउनेछन् । टि२० आई त्रिकोणात्मक सिरिजको प्लेयर अफ द म्याच ले ५ सय अमेरिकी डलर (६१ हजार १ सय नेपाली रुपैयाँ) प्राप्त गर्ने छन् ।
पपुवा न्युगिनीले पहिलो पटक नेपालमा खेल्दैछ । नेपाल र पपुवा न्युगिनीबीचको खेल शुक्रबार बिहान ९ बजे टियु मैदानमा सुरु हुनेछ ।
नेपालको ओडिआई टोली :
सन्दीप लामिछाने (कप्तान), आरिफ शेख, कुशल भुर्तेल, सोमपाल कामी, दीपेन्द्रसिंह ऐरी, सागर ढकाल, कमलसिंह ऐरी, अनिल शाह, विक्रम सोब, सुशान भारी, रोहित पौडेल, पवन सरार्फ, देव खनाल, गुलशन झा र भीम सार्की ।
नेपालको त्रिकोणात्मक टि२० आई सिरिज खेल्ने टोली :
सन्दीप लामिछाने (कप्तान), आरिफ शेख, कुशल भुर्तेल, सोमपाल कामी, दीपेन्द्रसिंह ऐरी, सागर ढकाल, कमलसिंह ऐरी, आसिफ शेख, करण केसी, अभिनाश बोहरा, विवेक यादव, दीलिप नाथ, लोकेश बम, कुशल मल्ल र आदिल अन्सारी ।
नेपाल र पपुवा न्युगिनीबीचको दुई ओडिआई सिरिज
चैत ११ (मार्च २५ नेपालविरुद्ध पपुवा न्युगिनी, टियु मैदान
चैत १२ (मार्च २६) नेपालविरुद्ध पपुवा न्युगिनी, टियु मैदान
दुबै ओडिआई बिहान ९ बजेदेखि सुरु हुनेछन् ।
टि२० त्रिकोणात्मक सिरिज
चैत १४ (मार्च २८) – नेपालविरुद्ध पपुवा न्युगिनी, दिउँसो १२:३०
चैत १६ ( मार्च ३०) – नेपालविरुद्ध मलेसिया, दिउँसो १२:३०
चैत १७ (मार्च ३१) – नेपालविरुद्ध पपुवा न्युगिनी, दिउँसो १२: ३०
चैत १९( अप्रिल २) – नेपालविरुद्ध मलेसिया, दिउँसो १२: ३०
चैत २१ ( अप्रिल ४) – फाइनल शीर्ष दुई टोली, दिउँसो १२: ३०
December 18, 2024
काठमाडौं(हाम्रो खेलकुद) – ओपनर विनोद भण्डारीको नटआउट अर्धशतकमा सिद्धार्थ बैंक नेपाल प्रिमियर लिग (एनपिएल) मा सुदूरपश्चिम रोयल्सले जनकपुर बोल्ट्सबाट पराजित गर्दै फाइनल प्रवेश गरेको छ । टियु मैदानमा बुधवार भएको पहिलो क्वालिफायर खेलमा जनकपुरमाथि सुदूरपश्चिमले ८ विकेटको जित हात पार्यो । जितका लागि १ सय ४० रनको मध्यम लक्ष्य सुदूरपश्चिमले १८.३ ओभरमा २ विकेट गुमाएर […]
December 18, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा फाइनल प्रवेशका लागि सुदूरपश्चिम रोयल्सले जनकपुर बोल्ट्सबाट मध्यम लक्ष्य पाएको छ । टियु मैदानमा जारी एनपिएलको दोस्रो क्वालिफायर खेलमा जनकपुरले सुदूरपश्चिमलाई जितका लागि १ सय ४० रनको मध्यम लक्ष्य दिएको हो । टस जितेर पहिले ब्याटिङ गरेको जनकपुरले निर्धारित २० ओभरमा ८ विकेट गुमाएर १ सय […]
December 18, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल)को पहिलो क्वालिफायर खेलमा जनकपुर बोल्ट्सले सुदूरपश्चिम रोयल्सविरुद्ध टस जितेको छ । टियु क्रिकेट मैदानमा जनकपुरका कप्तान आसिफ शेखले टस जितेर ब्याटिङ रोजेका हुन् । लिग चरणको खेलमा सुदूरपश्चिमले जनकपुरलाई ७२ रनले पराजित गरेको थियो । सुदूरपश्चिमले पछिल्लो खेलको टोलीमा कुनै परिवर्तन गरेको छैन । सुदूरपश्चिम रोयल्सको प्लेइङ-११ […]
