एजेन्सी – इन्डियन प्रिमियर लिग (आइपिएल) २०२२ मा चेन्नई सुपर किंग्स र रोयल च्यालेन्जर्स बेंगलोर एकै समूहमा परेका छन् । आइपिएलका १० फ्रेन्चाइज टोलीलाई दुई समूहमा विभाजन गरिएको छ । जसमा चेन्नई सुपर किंग्स र रोयल च्यालेन्जर्स बेंगलोर एकै समूहमा परेका छन् ।

आइपिएलको १५ औं संस्करण मार्च २६ देखि २९ मे सम्म हुने भएको छ । समूह ए मा मुम्बई इन्डियन्स, कोलकाता नाइट राइडर्स, राजस्थान रोयल्स, दिल्ली क्यापिटल्स र लखनऊ सुपर जायन्ट छन् । समूह बी मा चेन्नई सुपर किंग्स, सनराइजर्स हैदराबाद, रोयल च्यालेन्जर्स बेंगलोर, पन्जाब किंग्स र गुजरात टाइटन्स छन् ।

आइपिएल लिगका ७० खेल चार स्टेडियममा हुनेछ । वानखडे स्टेडियम मुम्बईमा सर्वाधिक २० खेल हुनेछन् । हरेक टोलीले चार खेल वानखडे स्टेडियममा खेल्नेछन् । हरेक फ्रेन्चाइज टोलीले कुल १४ खेल खेल्नेछन् । ७ होम र ७ अवे मैदानमा खेल्नुपर्ने हुन्छ । लिगका ७० खेलसँगै प्लेअफका ४ खेल हुनेछन् ।

पाँच टोलीले दुई दुई खेल खेल्नेछन् । अन्य बाँकी चार टोलीबीच एक एक खेल हुनेछन् । जसमा दुईमा दुई होम र दुई अवेमा हुनेछन् । आइपिएल जितेको टोली र फाइनल खेलेको संख्याको आधारमा दुई समूहमा विभाजन गरिएको हो । आइपिएलमा सर्वाधिक उपाधि मुम्बईले ५ र चेन्नईले ४ जितेका छन् । मुम्बईले ६ पटक फाइनल र चेन्नईले ९ पटक फाइनल खेलेका थिए ।

आइपिएल अक्सनका सर्वाधिक महँगा २० खेलाडी

आइपिएलमा नबिकेका राष्ट्रिय टोलीका ४ कप्तान

सन्दीप आइपिएलमा नबिक्नुको प्रमुख पाँच कारण