मस्कट (हाम्रो खेलकुद) – युएईका १९ वर्षिय युवा विकेटकिपर वृत्य अरविन्दले आइसिसी टि२० विश्वकप छनोट ए को पहिलो सेमिफाइनल खेलमा नेपालविरुद्ध विष्फोटक ब्याटिङका साथ आउट भएका छन् ।

ओमान क्रिकेट एकेडेमी ग्राउन्ड–१ मा टस जितेर पहिला ब्याटिङ रोजेको युएईले ८ ओभरमा २ विकेट गुमाउँदै ७२ रन बनाएको छ ।
१९ वर्षिय विकेटकिपर अरविन्द २३ बलमा ५ चौका र ३ छक्कासति ४६ रनमा आउट भएका छन् ।

मोहम्मद वासिम १८ बलमा २ छक्कासहित २१ रनमा अविजित छन् । उनलाई मोहम्मद उस्मानले साथ दिनेछन् । दोस्रो विकेटका लागि वासिम र अरविन्दले ६६ रनको उत्कृष्ट साझेदारी गर्दै आउट भए । तीव्र गतिका बलर जितेन्द्र मुखियाले दोस्रो ओभरको चौथो बलमा उच्च लयमा रहेका ओपनर चिराग सुरीलाई ४ रनमा बोल्ड आउट गर्दै नेपाललाई महत्वपूर्ण सफलता दिलाए ।

तर सुरी आउट भएपछि क्रिजमा आएका अरविन्दले क्रिजमा चौका र छक्का वर्षात गराउँदै युएईलाई उत्कृष्ट सुरुवात दिलाएका थिए । यसअघि उनले टेस्ट टोली आयरल्यन्डलाई हराउन अरविन्द्रले ६७ बलमा १३ चौका र १ छक्कासहित ९७ रनको अविजित इनिङ खेलेका थिए । बहराइनलाई हराउन उनले ५२ बलमा ६ चौका र ५ छक्कासहित ८४ रनमा अविजित थिए । अरविन्द सन्दीप लामिछानेको आठौं ओभरको तेस्रो बलमा बोल्ड आउट भएका थिए ।