मस्कट (हाम्रो खेलकुद) – तीव्र गतिका बलर गुलशन झाले नेपाली क्रिकेट टोलीबाट आइसिसी टि२० विश्वकप छनोट ए मा फिलिपिन्सविरुद्ध टि२० आईमा डेब्यू गर्दै छन् ।

मस्कटमा रहेको ओमान क्रिकेट एकेडेमी ग्राउन्ड २ मा फिलिपिन्ससँग नेपालले टस हारेर पहिला ब्याटिङ गर्दैछ । नेपालले ओमानसँगको खेलबाट विवेक यादव र कमलसिंह ऐरीलाई विश्राम दिएको छ । गुलशन झा र कुशल मल्ललाई आजको प्लेइङ ११ मा खेलाएको छ ।

गुलशनले टि२० आईमा पहिलो पटक खेलेका हुन् । गुलशन तीव्र गति, बाउन्सर र बायाँ हातले ब्याटिङ गर्ने गर्दछन् । गुलशनले नेपालबाट ३९ औं टि२० आई क्याप पाएका हुन् । तल्लोक्रममा उनले ब्याटिङको क्षमता राख्छन् । तीव्र गतिका बलर करण केसी ब्याक इन्जुरीको कारण विश्वकप छनोट गुमाउने भएपछि उनको स्थानमा नेपालले गुलशनलाई ओमान पठाएको थियो । कमलसिंह ऐरीलाई विश्राम दिँदै नेपालले गुलशनलाई डेब्यू दिएको हो ।

कुशल मल्लले विवेक यादवको स्थान लिएका हुन् । कुशल टोलीमा हुँदा नेपालको स्पिन आक्रामण थप मजबुत बन्नेछ । कुशल यसअघि नेपालको अन्तिम १४ सदस्य टोलीमा थिएनन् । तर शरद भेषावकर चोटका कारण बाहिरिएपछि उनको स्थान लिएका हुन् । गुलशन तीव्र गति र तल्लोक्रममा ब्याटिङको क्षमता राख्छन् । गुलशनले गत असोजमा आइसिसी टि२० विश्वकप लिग २ अन्तर्गत अमेरिकासँग डेब्यू गर्दै २८ रन बनाएका थिए ।

बलिङमा भने उनको प्रदर्शन खासै राम्रो हुन सकेको छैन । तीव्र गुलशनले नेपाल पुलिस क्लबबाट घरेलु क्रिकेट खेल्ने गर्दछन् । प्रधानमन्त्री कप टि२० राष्ट्रिय प्रतियोगिता र यू१९ एसिया कप तथा राष्ट्रिय प्रतियोगितामा प्रदर्शन अपेक्षा अनुसार भने थिएन ।

नेपालको प्लेइङ ११ :

आसिफ शेख (विकेटकिपर), कुशल भुर्तेल, ज्ञानेन्द्र मल्ल, दीपेन्द्रसिंह ऐरी, आरिफ शेख, लोकेश बम, जितेन्द्र मुखिया, कुशल मल्ल, गुलशन झा, अभिनाश बोहरा र सन्दीप लामिछाने (कप्तान) ।

गुलशनको क्रिकेट जीवनी : गुलशनको अविश्वसनिय राष्ट्रिय टोलीको यात्रा

गुलशन बने ओडिआई खेल्ने कान्छा एसोसिएट खेलाडी