मस्कट (हाम्रो खेलकुद) – अलराउन्डर दीपेन्द्रसिंह ऐरीको घातक बलिङसँगै नेपालले चार देश सम्मिलित टि२० आई सिरिजमा टेस्ट टोली आयरल्यान्डमाथि नेपाल हाबी बनेको छ ।

अल अमरेत क्रिकेट मैदानमा टस हारेर ब्याटिङ थालेको आयरल्यान्डले १३ ओभरमा ६ विकेट गुमाउँदै ७६ रन बनाएको छ । आयरल्यान्डले पहिलो ओभरमै ओपनर तथा प्रमुख ब्याटर पाउल स्टर्लिङलाई २ रनमा गुमाएको थियो ।

तीव्र गतिका बलर कमलसिंह ऐरीले योर्कर बलमा स्टर्लिङलाई बोल्ड आउट गर्दै उत्कृष्ट सुरुवात दिए । त्यसपछि भने आयरल्यान्डले लगातार विकेट गुमाउन पुग्यो । जितेन्द्र मुखियाको चौथो ओभरको अन्तिम बलमा ग्यारेथ डेलानी ९ रनमा कट एण्ड बोल्ड भए ।

तीव्र गतिका बलर अभिनाश बोहराले कप्तान एन्डी बालबर्नीलाई १९ रनमा बोल्ड आउट गरेपछि नेपालले उत्कृष्ट सुरुपात गरेको थियो । उनले १३ बलमा ३ चौका प्रहार गरे । दीपेन्द्रसिंह ऐरीको ठूलो सट खेलेका शेन गेटकेट दशैं ओभरको दोस्रो बलमा १४ रनमा क्याच आउट भएसँगै आयरल्यान्ड ६०–४ को संकट अवस्थामा पुगेको थियो । मुखियाबाट क्याच हुनुअघि उनले १६ बलमा १ चौका प्रहार गरे ।

दीपेन्द्रले १२ औं ओभरमा दुई विकेट लिएसँगै आयरल्यान्ड सस्तैमा रोकिन पुगेको थियो । दीपेन्द्रको १२ औं ओभरको पहिलो बलमा ठूलो सट खेलेका कर्टिस क्याम्फर शरद भेषावकरबाट २० रनमा क्याच आउट भए । उनले २० बलमा १ चौका प्रहार गरे । चौथो बलमा दीपेन्द्रले सिमी सिंहलाई विकेटकिपर आसिफ शेखबाट १ रनमा आउट गरेपछि आयरल्यान्ड ११.४ ओभरमा ६८–६ को अवस्थामा पुगेको छ ।