2 years ago
February 14, 2022
एजेन्सी – इन्डियन प्रिमियर लिग (आइपिएल) २०२२ को मेगा अक्सन आइतबार सम्पन्न भएको छ । शनिबार र आइतबार बेंगलोरमा चलेको अक्सनमा कुल ६ सय विदेशी खेलाडी सहभागी थिए । २ सय ४ खेलाडीलाई १० फ्रेन्चाइज टोलीले अक्सनमा खरिद गरेका छन् ।
१ सय ३७ भारतीय र ६७ विदेशी खेलाडी ब्रिक्री भए । अक्सनमा कुल ५५१.७ भारु खर्च भएको छ । एक टोलीले बढीमा ९० करोड भारु खर्च गर्न पाउँछन् । मेगा अक्सनमा यो पटक सर्वाधिक महँगो मूल्यमा भारतीय युवा विकेटकिपर ईशान किशन बिक्री भए । उनलाई मुम्बई इन्डियन्सले १५ करोड २५ लाख भारुमा अनुबन्ध गर्यो ।
अक्सनमा महँगो मूल्यमा बिक्न सक्ने अपेक्षा गरेका डेविड वार्नरलाई भने दिल्ली क्यापिटल्सले ६ करोड २५ लाखमा मात्र किनेको थियो । अक्सनमा विदेशी स्पिनर निकै कम बिक्री भए । अलराउन्डर र भारतीय युवा खेलाडीलाई अक्सनमा बढी प्राथमिकतामा राखिएको थियो । तर अक्सनमा केहि ठूला नामहरु बिकेनन् । जो अक्सनअघि करोडौं मूल्यमा बिक्न सक्ने अनुमान गरिएको थियो । अक्सनमा नबिकेका पाँच प्रमुख खेलाडी यस प्रकार छन् ।
५.आरोन फिन्च (अष्ट्रेलिया)
अष्ट्रेलिया सिमित ओभरका कप्तान तथा आक्रामक ओपनर आरोन फिन्च बिक्न सकेनन् । अक्सनमा न्यूनतम मूल्य १ करोड ५० लाख भारु राखेका उनलाई कुनैपनि टोलीले लिन मानेनन् । गत अक्टोबर नोभेम्बरमा प्रतियोगिता कमजोर मानिएको अष्ट्रेलिया फिन्चको कप्तानीमा टि२० विश्वकप च्याम्पियन बनेको थियो ।
फिन्चले २०१० देखि २०२० सम्म विभिन्न ८ फ्रेन्चाइज टोलीबाट खेल्दै ८७ खेलमा १४ अर्धशतक सहित २ हजार ५ रन बनाएका छन् । उत्कृष्ट प्रदर्शन ८८ रन अविजित छ । फिन्च विश्व क्रिकेटका एक उत्कृष्ट टि२० ओपनर हुन् । ओपनरमा सबै फ्रेन्चाइजले भारतीय खेलाडीलाई प्राथमिकतामा राखेपछि फिन्च बिक्न सकेनन् ।
४. सकिब अल हसन (बंगलादेश)
बंगलादेशका स्पिन अलराउन्डर सकिब अल हसन विश्व क्रिकेटका एक उत्कृष्ट खेलाडी हुन् । अक्सनमा २ करोड भारु न्यूनतम मूल्य राखेका सकिबलाई कुनैपनि टोलीले किनेनन् । सकिब टि२० आई विश्व वरियताका दोस्रो स्थानका अलराउन्डर हुन् । ओडिआईको अलराउन्डरतर्फ सकिब शीर्षस्थानमा छन् ।
बंगलादेशका सर्वाधिक सफल खेलाडी सकिबले स्पिनसँगै मध्यक्रमका भरपर्दा ब्याटर हुन् । गतवर्ष सकिब कोलकता नाइट राइडर्सबाट आइपिएल खेल्दै ८ खेलमा ४७ रन बनाउनुको साथै ४ विकेट लिएका थिए । सकिबले आइपिएलमा ७१ खेलमा ६३ विकेट लिनुको साथै ७ सय ९३ रन बनाएका छन् ।
३. ओईन मोर्गन (इंग्ल्यान्ड)
इंग्ल्यान्डका सर्वाधिक सफल कप्तान ओईन मोर्गनलाई यस पटक कुनैपनि फ्रेन्चाइज टोलीले मूल्य लगाएनन् । मोर्गनले न्यूनतम मूल्य १ करोड ५० लाख भारु राखेका थिए । २०२१ मा उनकै कप्तानीमा कोलकता नाइट राइडर्सले फाइनल यात्रा तय गरेको थियो ।
बायाँ हाते ब्याटर मोर्गन मध्यक्रमका भरपर्दा ब्याटर हुन् । तर पछिल्लो समय उनको प्रदर्शन अपेक्षा अनुसार भने छैन । २०१९ मा उनको कप्तानीमा इंग्ल्यान्डले पहिलो पटक एकदिवसिय विश्वकप उपाधि जितेको थियो । कप्तानको रुपमा समेत फ्रेन्चाइज टोलीले किन्न सक्ने अनुमान गरिएको थियो । २०२१ को अक्सनमा कोलकताले ५ करोड २५ लाख भारुमा किनेको थियो ।
२. सुरेश रैना (भारत)
भारतीय क्रिकेट टोलीका मध्यक्रमका ब्याटर सुरेश रैनालाई अक्सनमा कुनैपनि टोलीले किनेनन् । आइपिएल इतिहासकै सर्वाधिक रन बनाउने चौथो नम्बरमा रहेका रैना २००८ अर्थात आइपिएल सुरु भएपछि पहिलो पटक नबिकेका हुन् । चेन्नईलाई सर्वाधिक सफल फ्रेन्चाइज टोली बनाउन रैनाको योगदान महत्वपूर्ण छ ।
गत वर्ष रैनाले १२ खेलमा १ सय ६० रन बनाएपछि रिलिज गरेको थियो । चेन्नई दुई वर्ष प्रतिबन्धमा परेपछि २०१६ र २०१७ मा भने गुजरात लायन्सबाट कप्तानी गरेका थिए । भारतबाट टि२० आईमा शतक प्रहार गर्ने पहिलो खेलाडी समेत हुन् । रैनाले आइपिएलमा २ सय ५ खेलमा १ शतक र ३९ अर्धशतक सहित ५ हजार ५ सय २८ रन बनाएका छन् । विराट कोहली, शिखर धवन र रोहित शर्मापछि तेस्रो खेलाडी हुन् । रैनाको यसअघि चेन्नईमा ११ करोड भारु मूल्य पाउँदै आएका थिए ।
१. स्टिभ स्मिथ (अष्ट्रेलिया)
स्टिभ स्मिथ वर्तमान समयका एक उत्कृष्ट ब्याटर हुन् । स्मिथले २ करोड न्यूनतम मूल्य राखेका थिए । आइपिएलमा २०१६ र २०१७ मा उनले राइजिङ पुणे सुपर जायन्टको कप्तानी गरेका थिए । उनको कप्तानीमा २०१७ मा पुणेले फाइनलमा मुम्बईसँग १ रनले पराजित भएको थियो ।
मध्यक्रमका भरपर्दा ब्याटर स्मिथले दिल्ली क्यापिटल्स, राजस्थान रोयल्स, राइजिङ पुणे सुपर जायन्ट र पुणे वारियर्सबाट खेल्दै १ सय ३ खेलमा २ हजार ४ सय ८५ रन बनाएका छन् । १ शतक र ११ अर्धशतक सामेल छ । २०१६ मा गुजराज लायन्सविरुद्ध ५४ बलमा ८ चौका र ५ छक्कासहित १ सय १ रनको शतकीय इनिङ खेलेका थिए । अष्ट्रेलिया पहिलो रोजाईका ब्याटर स्मिथलाई कुनैपनि टोलीले किनेनन् ।
July 2, 2024
सुशिल पन्त क्षेत्री, चितवनक्रिकेटर सन्दीप लामिछाने गृह जिल्ला चितवनमा समानित भएका छन् । सन्दीपलाई मंगलबार विभिन्न संस्थाले नगदसहित सम्मान गरेका हुन् । चितवन क्रिकेट संघ र सेन्ट्रल कलेज अफ भोकेसनल ट्रेनिङ प्रालिले उनलाई १ लाख रुपैयाँसहित सम्मान गरेको छ । सेन्ट्रल टावरमा आयोजित एक कार्यक्रमका बीच उनलाई सम्मान गरिएको हो । नेपाली क्रिकेटमा पुर्याएको योगदान […]
July 1, 2024
एजेन्सी – भारतीय क्रिकेट टोलीका अल राउन्डर रविन्द्र जडेजाले टि ट्वान्टी आई क्रिकेटबाट सन्न्यास लिएका छन्। भारतले शनिबार दक्षिण अफ्रिकालाई ७ रनले हराउँदैटि ट्वान्टीबाट विश्वकपको उपाधि जितेको थियो। त्यसपछि स्टार ब्याटर विराट कोहली र त्यसपछि कप्तान रोहित शर्माले टि ट्वान्टी आईबाट सन्न्यासको घोषणा गरेका थिए। त्यसपछि जडेजाले पनि टि ट्वान्टी आईबाट सन्न्यास लिएको घोषणा गरेका […]
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]