मस्कट (हाम्रो खेलकुद) – नेपाली क्रिकेट टोलीका युवा स्टार लोकेश बमले युएईसँग डेब्यू खेलमा गरेको प्रदर्शनबाट खुशी नभएको बताएका छन् । शनिबार युएईसँग २५ रनले पराजित भएपछि लोकेशले आफ्नो प्रदर्शनबाट खुशी नभएको बताएका हुन् ।

‘पक्कैपनि डेब्यू राम्रो भयो भन्दिन । मेरो लागि त्यो एकदमै सहि समय थियो । त्यहाँबाट मैले खेल जिताउन सक्थें । मैले राम्रो सुरुवात भन्दिन’, लोकेशले खेलपछि भने ।

‘सुरुमा केहि नर्भस पनि थिए । तर मलाई टोलीले प स्वतन्तत्रा दिएको थियो । प्रधानमन्त्री कपमा जसरीनै खेल्न भनिएको थियो । उनीहरुले बलिङ अलिकति राम्रो पनि गर्यो । योर्कर पनि राम्रो फाल्यो । योर्करनै अपेक्षा गरेको थिए । पछि स्लोवर पनि आयो, उनले भने । त्यसमा थपे, “बल ब्याटमा आएको थिएन । तल बसेको थियो । त्यहिँ भएर गाह्रो भयो । केहि कमजोर बललाई बाउन्ड्रीमा प्रहार गर्न पनि सकिएन सुरुवात राम्रो पाएका थियौं । मात्र यो थियो ब्याटिङ पाएपछि खेल जिताउछु । तर खेल जिताउन सकेन ।”

‘बाहिर खेल्दा फरक हुन्छ । बलरको दिमाग के चलि रहेको हुन्छ थाहा हुँदैन । बलरहरुलाई कसरी पढ्ने भन्ने यस खेलबाट सिकेको छु, उनले भने । मेरो रोलनै फिनिसरको हो । मेरो खेल खेल सिकाउने हो । बीचमा बाउन्ड्रीहरु आएन । त्यसैले गाह्रो भयो’, त्यसैमा थपे ।

‘विहान शरद दाइले डेब्यू क्याप दिँदा धेरैनै भावुक थिए । बच्चादेखिनै नेपालबाट खेल्ने सपना थियो । अहिले टिममा परे,’ लोकेशले डेब्यू क्याप स्मरण गर्दै भने ।

१ सय ९३ रनको विजयी लक्ष्य पछ्याउनेक्रममा नेपालले निर्धारित २० ओभरमा ५ विकेट गुमाउँदै १ सय ६७ रन बनाएको थियो । लोकेश बमले २१ बलमा २ चौका र २ छक्कासहित ३३ रनमा आउट भए । लोकेश १४ औं ओभरको चौथो बलमा आरिफ शेख क्याच आउट भएपछि मैदान प्रवेश गरेका थिए ।

२० औं ओभरको तेस्रो र चौथो बलमा लोकेशले काशिफ दाउदलाई लगातार छक्का प्रहार गरेका थिए । त्यसअघि जहुर खान र अहमद राजालाई एक एक चौका प्रहार गरेका थिए । इनिङको अन्तिम बलमा ठूलो सट खेल्नेक्रममा लोकेश क्याच आउट भए ।

लोकेश नेपालबाट टि२० आईमा क्याप पाउने ३८ औं खेलाडी हुन् । शुक्रबार स्पिनर सागर ढकाल ३६ औं र विवेक यादव ३७ औं क्याप पाएका थिए । नेपालले चार देश सम्मिलित टि२० आई सिरिजमा पहिलो खेलमा ओमानलाई ६ विकेटले हराएको थियो । तेस्रो तथा अन्तिम खेल सोमबार आयरल्यान्डसँग खेल्नेछ ।

यो पनि : नेपालले युएईसँग हार्नुको पाँच कारण

लोकेशको क्रिकेट यात्रा र वाल्यकाल : आक्रामक लोकेशको दमदार इन्ट्री