मोहाली (एजेन्सी)– भारतविरुद्धको तेस्रो टेस्ट जोगाउन इङ्ल्यान्डले संघर्ष गर्नुपर्ने देखिएको छ । सोमबार दोस्रो इनिङको सुरुआत गरेको इङ्ल्यान्डले ४ विकेटको क्षेतिमा ७८ रन बनाउँदा तेस्रो दिनको खेल समाप्त भएको छ । भ्रमणकारी टोली अझै ५६ रनले पछाडी छ ।

पहिलो इनिङमा इङ्ल्यान्ड २ सय ८३ रनमा आउट भएको थियो । भारतले पहिलो इनिङमा ४ सय १७ रन जोडेको छ । दिनको खेल सकिदा ओपनर जोए रुट ३६ र गारेथ बाटी शून्य रनमा अविजित छन् । अर्का ओपनर एवंम् कप्तान १२ रनमा रविचन्द्रन आश्विनको शिकार भए । मोइन अलि (५) र बेन स्टोक्सलाई पनि आश्विनले नै आउट गरे । जोनी ब्रेस्टो उमेश यादवको बलमा विकेट किपर पार्थिव पटेलबाट क्याच आउट भए । त्यसअघि ६ विकेटको क्षेतिमा २ सय ७१ रनबाट तेस्रो दिनको खेलअघि बढाएको भारतका लागि तल्लो क्रमका ब्याट्सम्यानले उच्च प्रदर्शन गरेपछि टोली पहिलो इनिङमा ४ सय १७ रन बनाउन सफल भएको थियो ।

देस्रो दिननै अर्धशतक पुरा गरेका रविचन्द्र आविश्वनले ७२ रन बनाए भने ३१ रनबाट खेलअघि बढाएका रविन्द्र जडेजा शतक बनाउनबाट १० रनले चुके । अर्का उमेश यादवले पनि अर्ध शतक पुरा गरेका थिए । आश्विनले १ सय १३ बलमा ११ चौका प्रहार गरेका थिए । जडेजाले १ सय ७० बल खेल्दै १० चौका र १ छक्का प्रहार गरे । यादवले ५ चौका हानेका थिए । त्यसअघि दबाबकाबीच चेतेश्वर पुजारा र कप्तान विराट कोहलीले पनि अर्धशतक पुरा गरेका थिए ।

दोस्रो दिन निकै दबाबकाबीच भारतले सम्हालिएको प्रदर्शन गरेको थियो । एक सयम टोलीले २ सय ४ रन जोड्दा ६ विकेट गुमाइसकेको थियो । इङ्ल्यान्डका स्टोक्सले ५ र अदिल रसिदले ४ विकेट लिएका थिए । पाँच टेस्टको श्रृखंलामा भारत १–० ले अगाडि छ । पहिलो टेस्ट बराबरीमा टुंगिएको थियो भने दोस्रो टेस्टमा भारत २ सय ४५ रनले विजयी भएको थियो ।