एजेन्सी – भारतीय क्रिकेट टोलीका प्रमुख ब्याटर विराट कोहली वेस्टइन्डिजसँगको तेस्रो तथा अन्तिम ओडिआई खेलमा डक आउट (शून्य) भएका छन् ।

नरेन्द्र मोदी स्टेडियम अहमदाबादमा टस जितेर पहिला ब्याटिङ थालेको भारतले सुरुवाती चौथो ओभरमै आफ्ना प्रमुख दुई ब्याटर गुमाएको थियो । ओपनर तथा कप्तान रोहित शर्मालाई तीव्र गतिका बलर अल्जारी जोशेफले तेस्रो बलमा १३ रनमा बल्ड आउट भएका थिए । त्यसपछि क्रिजमा आएका विराट कोहली पाँचौं बलमा बोल्ड आउट हुन पुगे । जोशेफले दुई विकेट सहित मेडन राखेका छन् ।

भारतले ६ ओभरमा २ विकेट गुमाउँदै रन बनायो । भारतले आजको खेलमा तीन खेलाडी परिवर्तन गरेको छ । लोकेश राहुल, युजभेन्द्र चहल र दीपक हुडालाई बेन्चमा राखेको छ । कुलदीप यादव, श्रेयस ऐर र शिखर धवनलाई मौका दिएको छ । वेस्टइन्डिजले अकिल हुसैनको स्थानमा हेडन वाल्श जुनियरलाई मौका दिएको छ ।

विराट कोहली ७१ औं अन्तर्राष्ट्रिय क्रिकेट शतकको पर्खाईमा दुई वर्षदेखि छन् । दुई वर्षदेखि कोहलीले कुनैपनि अन्तर्राष्ट्रिय खेलमा शतक प्रहार गर्न सकेका छैनन् । वेस्टइन्डिजसँगको जारी सिरिजमा कोहली पहिलो खेलमा ८ र दोस्रो खेलमा १८ रनमा आउट भएका थिए ।

तीन ओडिआई खेलको सिरिज भारतले २–० ले जितेको छ । भारत पहिलो खेलमा ६ विकेट र दोस्रो खेल ४४ रनले विजयी हुँदै सिरिज जितेको थियो ।