3 years ago
February 10, 2022
मस्कट (हाम्रो खेलकुद) – नेपाली राष्ट्रिय क्रिकेट टोलीका लेग स्पिनर सन्दीप लामिछानेले चार देश सम्मिलित टि२० आई सिरिज अन्तर्गत ओमानविरुद्ध कप्तानको जिम्मेवारीमा डेब्यू गर्दै छन् । सन्दीपले डेब्यू कप्तानीमै वर्तमान समयका विश्व क्रिकेटका सर्वोत्कृष्ट कप्तान केन विलियम्सनलाई पछि पार्नेछन् ।
शुक्रबार ओमानविरुद्ध टसका लागि मैदान उत्रँदा सन्दीपले २१ वर्ष १ सय ९३ दिनमा टि२० आईमा कप्तानी गर्नेछन् । सन्दीप समग्रमा टि२० आईमा कप्तानी गर्ने विश्वका आठौं कान्छा कप्तान बन्नेछन् । टि२० आईमा मलेसिया युवा विकेटकिपर ब्याटर विरनदीप सिंहले २०१९ मा २० वर्ष १ सय ९० दिनमा भानुआतुविरुद्ध कप्तानी गर्दै सबैभन्दा कम उमेरको कीर्तिमान राखेका थिए ।
सन्दीपले कम उमेरमा टि२० आईमा कप्तानी गर्नेमा न्युजिल्यान्डका केन विलियम्सनलाई पछि पार्नेछन् । विश्व क्रिकेटका सर्वोत्कृष्ट कप्तान विलियम्सनले २०१२ मा वेस्टइन्डिजविरुद्ध २१ वर्ष ३ सय २८ दिनमा कप्तानी गरेका थिए । सन्दीप अफगानिस्तानका राशिद खानले २० वर्ष ३ सय ५९ वर्षको उमेरमा कप्तानी गर्दै सातौं कान्छा कप्तानको सूचिमा छन् । टि२० आईमा नेपालबाट पारस खड्का, ज्ञानेन्द्र मल्ल हुँदै सन्दीप तेस्रो खेलाडी बन्नेछन् ।
सन् २०१६ को यू–१९ विश्वकपबाट उदाएका सन्दीप नेपालको सिनियर क्रिकेट टोली, इन्डियन प्रिमियर लिग (आइपिएल), बिग ब्यास लिग लगायत विश्व चर्चित विदेशी टि२० फ्रेन्चाइज लिग हुँदै ६ वर्षमा नेपाली टोलीको नेतृत्व गर्दैछन् । क्यानले गत मंसिर २९ मा अनुशासनको कारण ज्ञानेन्द्र मल्ललाई क्यानले कप्तानबाट हटाउँदै सन्दीपलाई नियुक्त गरेको थियो ।
February 24, 2025
एजेन्सी – च्याम्पियन्स ट्रफीमा समूह चरणको अन्तिम खेल अगावै सेमिफाइनल प्रवेशको लक्ष्यमा रहेको न्युजिल्याण्ड आज बंगलादेशसँग खेल्दैछ । पाकिस्तानको रावलपिण्डी क्रिकेट स्टेडियममा नेपाली समय अनुसार खेल दिउँसो २ः४५ बाट सुरु हुनेछ । न्युजिल्याण्डले पहिलो खेलमा आयोजक पाकिस्तानलाई फराकिलो अन्तरले पराजित गरेको थियो । आजको खेलमा बंगलादेशलाई पराजित गरि भारतविरुद्धको खेल अगावै न्युजिल्याण्ड सेमिफाइनलमा स्थान पक्का […]
February 24, 2025
एजेन्सी – भारतीय क्रिकेट टोलीका पूर्व कप्तान विराट कोहलीले महान् क्रिकेटर सचिन तेन्दुल्करको कीर्तिमान तोडेका छन् । कोहलीले आइतवार पाकिस्तानविरुद्धको च्याम्पियन्स ट्रफी खेल दौरान सबैभन्दा कम इनिङमा १४ हजार ओडिआई रन बनाउने सचिनको कीर्तिमान तोडेका हुन् । कोहलीले २ सय ८७ इनिङमा १४ हजार रन पूरा गर्ने कीर्तिमान बनाएका हुन् । यसअघि सचिनले ३ सय […]
February 23, 2025
एजेन्सी – विराट कोहलीको शतक सहयोगमा भारतले डिफेन्डिङ च्याम्पियन पाकिस्तानमाथि च्याम्पियन्स ट्रफीको दोस्रो खेलमा जित हासिल गरेको छ । च्याम्पियन्स ट्रफीमा लगातार दोस्रो जित हासिल गर्ने क्रममा भारतले आइतवार भएको खेलमा पाकिस्तानलाई ६ विकेटले पराजित गरेको हो । पाकिस्तानले दिएको २ सय ४२ रनको मध्यम लक्ष्य भारतले ४२.३ ओभरमा ४ विकेट गुमाएर पूरा गर्यो । […]
