एजेन्सी – अष्ट्रेलिया क्रिकेट टोलीका मुख्य प्रशिक्षक जेस्टिन लेंगरले पदबाट राजीनामा दिएका छन् । क्रिकेट अष्ट्रेलियाले उनले बुझाएको राजीनामा स्वीकार गरेको शनिबार जनाएको छ । अष्ट्रेलियाले घरेलु मैदानमा अक्टोबर नोभेम्बरमा हुने टि२० विश्वकप सम्म लेंगरसँग सम्झौता थप्न चाहेपनि उनले राजीनामा दिएका हुन् ।

२०१८ मा अष्ट्रेलिया मुख्य प्रशिक्षक बनेका लेंगरले आफ्नो कार्यकालमा अष्ट्रेलियालाई २०२१ मा टि२० विश्वकप च्याम्पियन र अघिल्लो महिना इंग्ल्यान्डसँग पाँच एसेज सिरिजमा ४–० को सानदार जित दिलाएका थिए । अष्ट्रेलिया पूर्व सफल ओपनर लेंगरले आफ्नो कार्यकालमा खेलाडीमाथि बढी विश्वास र समय दिएका थिए । २०२१ मा कमजोर मानिएको अष्ट्रेलियाले सबैलाई आश्चर्य पार्दै उपाधि जितेको थियो ।

अष्ट्रेलियाले सहायक प्रशिक्षक एन्ड्रयू म्याकडोनाल्ड कार्यवाहक मुख्य प्रशिक्षक बनेका छन् । अष्ट्रेलिया र श्रीलंकाबीच पाँच टि२० आई खेलको सिरिज ११ फेब्रुअरी देखि सुरु हुनेछ । घरेलु मैदानमा हुने टि२० आई सिरिजको पहिलो खेल सिड्नीमा हुनेछ । दोस्रो खेल १३ फेब्रुअरीको सिड्नी र तेस्रो १५ फेब्रुअरीको क्यानबेरामा हुनेछ ।

चौथो १८ फेब्रुअरीमा मेलबर्न र पाँचौं तथा अन्तिम टि२० आई २० फेब्रअरीमा मेलबर्नमै हुनेछ । दसुन शनकाको कप्तानीमा श्रीलंका टोली अष्ट्रेलिया पुगि सकेको छ । त्यसपछि अष्ट्रेलिया तीन ओडिआई, तीन टेस्ट र एक टि२० आईको लागि पाकिस्तान भ्रमण गर्नेछ । अष्ट्रेलियाले २४ वर्षपछि पाकिस्तान भ्रमण गर्न लागेको हो ।

अष्ट्रेलियाले २४ वर्षपछि पाकिस्तान भ्रमण गर्ने