3 years ago
January 21, 2022
सुबास हुमागाईं, काठमाडौं
नेपाली राष्ट्रिय क्रिकेट टोलीका नवनियुक्त कप्तान सन्दीप लामिछानेले क्रिकेट टोली एक परिवार रहेको र सधैं देशको लागि खेल्ने अभिव्यक्ति दिएका छन् ।
शुक्रबार राती त्रिभुवन विमानस्थलमा ओर्लेपछि कप्तानको रुपमा पहिलो सार्वजनिक अभिव्यक्ति दिने क्रममा सन्दीपले राष्ट्रिय टोलीका लागि सबैले एकजुट भएर खेल्ने प्रतिवद्धता जाहेर गरे । अष्ट्रेलियाको बिग ब्यास लिग खेलेर फर्किएका सन्दीपले राष्ट्रिय टोली सधैं आफ्नो प्राथमिकता रहेकाले नै अष्ट्रेलियामा प्लेअफका खेल छोडेर नेपाल आएको बताए ।
हेर्नुहोस सन्दीपले के भने :
सन्दीप केही दिन विश्रामपछि राष्ट्रिय टोली प्रशिक्षणमा समावेश हुनेछन् । क्यानले घोषणा गरेको १६ सदस्यीय टोली बायो बबलसहितको होटेलमा प्रशिक्षण क्याम्पको लागि जम्मा भइसकेको छ । सन्दीप पिसिआर परिक्षण लगाएत प्रक्रिया पूरा गरेर प्रशिक्षणमा सामेल हुनेछन् ।
अघिल्लो महिना नेपाल क्रिकेट संघ (क्यान) ले ज्ञानेन्द्र मल्ललाई अनुशासनको कारण देखाउँदै पदमुक्त गर्दा सन्दीपलाई कप्तानीमा नियुक्त गरेको थियो । नेपालले सन्दीपको कप्तानीमा १६ सदस्य टि२० विश्वकप छनोट खेल्ने टोली घोषणा गरेको छ ।
सन्दीपबिनाको होबार्ट एलिमिनेटर खेलमा शुक्रबार एडिलेड स्ट्राइकर्ससँग पराजित भइसकेको छ । सन्दीपले यस सिजन १४ खेलमा ५४.१ ओभर बलिङ गर्दै ४ सय २२ रन खर्चेर कुल १४ विकेट लिएका थिए । जसमा उत्कृष्ट प्रदर्शन ३–३२ थियो । गत सिजन सन्दीपले होबार्टबाटै खेलेका थिए ।
त्यसअघिका दुई सिजन भने सन्दीपले मेलबर्न स्टार्सबाट खेलेका थिए । नेपाल फेब्रुअरी पहिलो साता ओमान जाने सम्भावना छ । अघिल्लो महिना नेपाल क्रिकेट संघ (क्यान) ले ज्ञानेन्द्र मल्ललाई अनुशासनको कारण देखाउँदै पदमुक्त गर्दा सन्दीपलाई कप्तानीमा नियुक्त गरेको थियो । नेपालले सन्दीपको कप्तानीमा १६ सदस्य टि२० विश्वकप छनोट खेल्ने टोली घोषणा गरेको छ ।
January 15, 2025
सुबास हुमागाईं, काठमाडौं नेपाली राष्ट्रिय क्रिकेट टोलीले २ वर्षअघि मोन्टि देशाइलाई मुख्य प्रशिक्षकको रुपमा पाएको थियो । ओडीआई मान्यता नै गुम्ने खतरा बढेको अवस्थामा जोखिम लिएर नेपाल आएका मोन्टिले छोटो समयमा नै आफ्नो प्रभाव जमाएर नेपालको ओडीआई मान्यता मात्र जोगाएनन्, लिग-२ को पुछारनजिकबाट तेस्रो स्थानसम्म उकाले । मोन्टिको नियुक्ति भएको २ वर्ष बित्दा नेपालको ब्याटिङमा […]
January 15, 2025
काठमाडौं(हाम्रो खेलकुद) – जय ट्रफी मेन्स एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले सामान्य अग्रता लिएको छ। वीरगंजमा जारी फाइनलमा पुलिसले दोस्रो दिन बुधवारको खेल सकिँदा दोस्रो इनिङमा ९५ रनको अग्रता लिएको छ । दोस्रो दिनको समाप्तिमा पुलिसले १ सय ३२ रन जोड्दा ९ विकेट गुमाएको छ । पुलिसका लागि कुशल भुर्तेलले […]
January 15, 2025
काठमाडौं(हाम्रो खेलकुद) – ओपनर ब्याटर कविता कुँवरको अर्धशतकमा सुदूरपश्चिम प्रदेशले धनगढीमा जारी महिला प्रधानमन्त्री कप राष्ट्रिय टि ट्वान्टी प्रतियोगितामा बुधवार लुम्बिनी प्रदेशलाई पराजित गरेको छ । दिनको दोस्रो खेलमा सुदूरपश्चिमले लुम्बिनीमाथि ७५ रनको जित हात पारेको छ । पहिलो खेलमा मंगलवार गण्डकी प्रदेशलाई पराजित गरेको सुदूरपश्चिमको यो लगातार दोस्रो जित हो । लुम्बिनी आफ्नो पहिलो […]
