काठमाडौं (हाम्रो खेलकुद) – प्रधानमन्त्री कप टि२० राष्ट्रिय प्रतियोगिता फाइनलमा नेपाल पुलिस क्लबले नेपाल एपिएफ क्लबविरुद्ध टस जितेर पहिला फिल्डिङ गर्ने भएको छ ।

टियु मैदानमा पुलिसका कप्तान मन्जित श्रेष्ठले टस जितेर पहिला फिल्डिङ गर्ने निर्णय लिएका छन् । पुलिसले टोलीमा एक परिवर्तन गरेको छ । ओपनर शंकर रानाको स्थानमा अमित श्रेष्ठलाई खेलाएको छ । एपिएफले टोलीमा परिवर्तन गरेको छैन ।

सेमिफाइनलमा बागमती प्रदेशविरुद्ध टोलीमा नभएका तीव्र गतिका बलर करण केसी र ओपनर कुशल भुर्तेल पुलिसको फाइनल टोलीमा पनि छैनन् । एपिएफमा तीव्र गतिका बलर कमलसिंह ऐरी पनि बेन्चमा छन् । कमल एपिएफको सेमिफाइनलमा त्रिभुवन आर्मीविरुद्ध टोलीमा थिएनन् ।

दुवै टोली अपराजित यात्राका साथ उपाधि जित्न चाहन्छन् ।पुलिस समूह ए मा अपराजित रहँदै सेमिफाइनल खेलेको थियो । एपिएफले समूह बी मा अपराजित रहँदै सेमिफाइनलमा स्थान बनाएको थियो । पुलिसले सेमिफाइनलमा बागमतीलाई ५० रन र एपिएफले त्रिभुवन आर्मी क्लबलाई ४७ रनले हराउँदै फाइनलमा पुगेका हुन् ।

एपिएफका आसिफ शेख, प्रदीप ऐरी र लोकेश बम प्रमुख हतियार हुन् । यी तीन खेलाडीले उत्कृष्ट प्रदर्शन गरेका छन् । पुलिसको आरिफ शेख, दीपेन्द्रसिंह ऐरी र कुशल भुर्तेल हुन् ।

पुलिसको प्लेइङ ११ :

पवन सरार्फ, अमित श्रेष्ठ, दीपेन्द्रसिंह ऐरी, अनिल शाह, दीलिप नाथ, आरिफ शेख, योगेन्द्रसिंह कार्की, राशिद खान, सागर ढकाल, गुलशन झा र मन्जित श्रेष्ठ (कप्तान) ।

एपिएफको प्लेइङ ११ :

आसिफ शेख, प्रदीप ऐरी, शरद भेषावकर (कप्तान), लोकेश बम, सन्दीप जोरा, भुवन कार्की, दीपक बोहरा, अमरसिंह राउटेला, पुरन विक, किशोर महतो र अभिनाश बोहरा ।