काठमाडौं (हाम्रो खेलकुद) – १० खेलाडीमा सिमित विभागीय टोली त्रिभुवन आर्मी क्लबले प्रधानमन्त्री कप टि२० क्रिकेट प्रतियोगितामा कर्णाली प्रदेशलाई ६३ रनले पराजित गरेको छ । १ सय १७ रनको विजयी लक्ष्य पछ्याएको कर्णाली १४.४ ओभरमा ५३ रनमा अल आउट भयो ।

कर्णालीका अर्जुन घर्तीले २४ बलमा १ चौकासहित सर्वाधिक १६ रन बनाए । ओपनर रविन्द्रजंग शाहीले १४ बलमा ३ चौकासहित सर्वाधिक १५ रन बनाए । अन्य कुनैपनि ब्याटरले दोहोरो अंकमा रन बनाउन सकेन । आर्मी कर्णालीसँग १० खेलाडीमा समिति थियो । सोनु तामाङ ब्याटिङमा रिटायर्ट हर्ट भएपछि फिल्डिङमा १० खेलाडीमा समिति थियो ।

म्याच रेफ्री समिर खानले आर्मीले सोनु ब्याटिङमा नआउनुको कुनै कारण नबताएपछि फिल्डिङमा १० खेलाडी राखेर खेलाएको बलाए । आर्मीको फिल्डिङमा अर्को खेलाडी पठाएपनि अम्यायरले अस्वीकार गरेका थिए । आर्मीका कप्तान विनोद भण्डारीले सोनुलाई ज्वरो आएको जनाए ।

आर्मी तीव्र गतिका बलर जितेन्द्र मुखियाले ४ ओभरमा १५ रन खर्चेर ४ विकेट लिए । सुशान भारी र साहब आलमले २-२ विकेट लिए । विक्रम सोब र सोमपाल कामीले १–१ विकेट लिए ।

त्यसअघि टियु क्रिकेट मैदानमा टस हारेर ब्याटिङ थालेको आर्मी १९.१ ओभरमा १ सय १६ रनमा अल आउट भएको थियो । आर्मीका कप्तान विनोद भण्डारीले १७ बलमा २ चौका र २ छक्का सहित सर्वाधिक २९ रन बनाए । हरि चौहानले २१ बलमा ३ चौकासहित २० रन बनाए । अन्य कुनैपनि ब्याटरले रन बनाउन सकेनन् । आर्मी सोनु तामाङ क्रिजमा नआई रिटायर्ट हर्ट भएका थिए ।

ओपनर सोमपाल कामी १५ बलमा ९ रन, रोहित कुमार पौडेल र कुशल मल्ल १०–१० रन बनाए । तल्लोक्रमका राजेश पुलामी मगर २, विक्रम सोब १, सुशान भारी ८, साहव आलम ९ र जितेन्द्र मुखियाले ८ रन बनाए ।

सुदूरपश्चिमका प्रकाश जैशीले ४ ओभरमा १७ रन खर्चेर ३ विकेट लिए । अनुज चनाराले ३.१ ओभरमा १ मेडन सहित २२ रन खर्चेर २ विकेट लिए । दीनेश अधिकारी, रविन्द्रजंश शाही र राज शाहले १–१ विकेट लिए ।

आर्मीले मंगलबार एपिएफसँग खेल्नेछ । कर्णालीले मुलपानीमा प्रदेश १ सँग खेल्नेछ । टियुको दोस्रो खेलमा आज एपिएफ र प्रदेश २ बीच प्रतिस्पर्धा हुँदैछ ।