काठमाडौं (हाम्रो खेलकुद) – एसिसी यू-१९ एसिया कपमा नेपालले पहिलो खलमा बंगलादेशसँग टस हारेर पहिला फिल्डिङ गर्ने भएको छ ।शारजाह क्रिकेट स्टेडियममा बंगलादेशका कप्तान रकिबुल हसनले टस जितेर पहिला ब्याटिङ गर्ने निर्णय लिएका छन् ।

नेपाल टेस्ट टोली बंगलादेशलाई स्तब्ध पार्दै सेमिफाइनल सम्भावना बलियो बनाउन चाहन्छ । बंगलादेश नेपालमाथि सहज जितका साथ विजयी सुरुवात गर्ने सोचमा हुनेछ ।

समूह बी मा नेपाल, बंगलादेश, श्रीलंका र कुवेत छन् । समूह ए मा भारत, पाकिस्तान, अफगानिस्तान र युएई छन् । नेपाली यू१९ टोली उच्च मनोबलका साथ युएई पुगेको छ । नेपालले साविक विश्वकप च्याम्पियन बंगलादेशलाई हराउँदै सनसनी मच्चाउन चाहन्छ । आइसिसी यू१९ एसिया छनोट रद्ध हुँदा विश्वकप खेल्ने अवसर गुमाएको नेपाल त्यसको इख एसिया कपमा पोख्ने सोचमा छ ।

विश्वकप विजेता बंगलादेश नेपालमाथि सहज जित निकाल्ने सोचमा हुनेछ । बंगलादेशले विश्वकप जित्दाका रकिबुल हसन, प्रान्तिक नाबिल र एसएम मेहरोब टोली हुँदा बंगलादेश मजबुत छ ।

नेपालको प्लेइङ ११ :

देव खनाल (कप्तान), विवेक यादव, गुलशन झा, विवेक रानामगर, सन्तोष कार्की, आदिल अन्सारी, तिलकराज भण्डारी, अर्जुन कुमाल, बशिर अहमद, दुर्गेश गुप्ता र अर्जुन साउद ।

हेड टु हेड :

बंगलादेश र नेपालबीच २००८ यता पाँच खेल भएको छ । जसमा बंगलादेशको यू(१९ टोलीले चार खेलमा जित निकालेको छ । एक खेल वर्षाको कारण हुन सकेको छैन । २०१९मा बंगलादेशले नेपाललाई ६ विकेटले हराएको थियो । २०१७ मा बंगलादेशले नेपालमाथि कठिन २ विकेटको जित हात पारेको थियो ।