काठमाडौं (हाम्रो खेलकुद) – नेपाल क्रिकेट संघ (क्यान) को वार्षिक साधारण सभा स्थगित भएको छ । क्यानका ६ बोर्ड सदस्यले वार्षिक साधारण सभा रोक्न भन्दै उजुरी दर्ता गरेपछि पुष १४ र १५ गर्ते धनगढीमा हुने तय भएको क्यान साधारण सभा स्थगित भएको हो ।

बिहीबार बसेको क्यानका अध्यक्ष चतुरबहादुर चन्द, कोषाअध्यक्ष रोशनसिंह, कार्यवाहक सचिव प्रशान्त विक्रम मल्ल र केन्द्रिय सदस्य दुर्गाराज पाठकले खेलकुद मन्त्री मरेश्वर जंग गहतराजबीचको छलफलले स्थगित गर्ने निर्णय गरेको हो ।

‘साधारण सभाको विषयमा उझुरी परेपछि खेलकुद मन्त्रीसँग छलफल भएको थियो । चुनाव गर्न बाँकी रहेका २० जिल्लामध्य केहिले पछि गरौं भन्ने अनुरोध पनि गरेका छन् । अव राष्ट्रिय खेलकुद परिषद् (राखेप) र अन्तर्राष्ट्रिय क्रिकेट परिषद् (आइसिसी) को समन्वयमा बोर्डले पछि नयाँ मिति तय गर्ने छ’, कार्यकाहक सचिव पशान्तले हाम्रो खेलकुदसँग भने ।

बुधबार क्यानका केन्द्रिय सदस्य छुम्बि लामा, अमितविर पाण्डे, ऋषिराम गौतम, मोहम्मद दाउद अन्सारी, करण महतरा र सञ्जयराज सिंहले संयुक्त रुपमा पत्रकार सम्मेलन वार्षिक साधारण सभा रोक्न माग पनि गरेका थिए । उक्त ६ बोर्ड सदस्यले क्यान विधि पद्धती अनुसार नचलेको आरोप लगाउँदै आफू खुसी प्रस्तावहरु ल्याएर छलफल गर्ने, निर्णय पनि आफ्ना अनुकुलतामा लेख्ने तथा कतिपय निर्णयहरु छलफल नै नगरी गर्ने उल्लेख गर्ने अरोप लागाएका थिए ।

विधान अनुसार २०७८ कात्तिकमा ४ वर्षे कार्यकाल समाप्त भएका २० जिल्लाको अधिवेशन हुन नसकेको स्मरण गराउँदै उनीहरुले ती जिल्ला अधिवेशन पछि मात्र केन्द्रिय अधिवेशन गर्नुपर्ने माग गरेका थिए ।