3 years ago
December 23, 2021
एजेन्सी – युएईमा जारी यू-१९ एसिया कपमा भारत, पाकिस्तान र श्रीलंकाले विजयी सुरुवात गरेका छन् । भारतले युएईलाई १ सय ४५ रन, श्रीलंकाले कुवेतलाई २ सय ७४ रन र पाकिस्तानले अफगानिस्तान ४ विकेटले हराउँदै विजयी सुरुवात गरेका छन् ।
समूह बी को खेलमा श्रीलंकाले शारजाह क्रिकेट स्टेडियममा टस जितेर पहिला ब्याटिङ गर्ने निर्णय लिँदै निर्धारित ५० ओभरमा ५ विकेट गुमाउँदै ३ सय २३ रन बनायो । श्रीलंका मध्यक्रमका ब्याटर पवन पथिराजाले ७२ बलमा ११ चौका सहित सर्वाधिक ८६ रनको योगदान दिए ।
ओपनर चामिन्दु विक्रमसिंघे र शेवन ड्यानियलले ५४–५४ रन बनाए । श्रीलंकालाई ओपनर चामिन्दु र शेवनले १७.२ ओभरमा ९१ रनको साझेदारी गर्दै राम्रो सुरुवात दिलाएका थिए । रानुदा सोमाराथ्नेले ५७ बलमा ४ चौका र १ छक्कासहित ६० रनमा अविजित रहे । कुवेतका जिशान अजिम र हबिर अलीले २–२ विकेट लिए ।
३ सय २४ रनको विजयी लक्ष्य पछ्याएको कुवेत १७.३ ओभरमा ४९ रनमा अल आउट भयो । कुवेतका मिट भाव्सारले २५ र जुडे साल्डान्हे १२ रन बनाए । अन्यले दोहोरो अंकमा रन बनाउन सकेनन् । श्रीलंका दुनिथ वेललेजले सर्वाधिक ४ विकेट लिए । सदिशा राजपक्षे ३ र मथिसा पथिरानाले २ विकेट लिए ।
समूह ए को खेलमा भारतले आइसिसी एकेडेमी दुबईमा टस हारेर ब्याटिङ गर्दै ५० ओभरमा ५ विकेट गुमाउँदै २ सय ८२ रन बनायो । भारतका ओपनर हरनुर सिंहले १ सय ३० बलमा ११ चौका सहित १ सय २० रनको शतकीय इनिङ खेले । कप्तान एश धुल ६८ बलमा ४ चौका सहित ६३ रनमा अविजित रहे । युएईका अलिशान शराफुले २ विकेट लिए ।
२ सय ८३ रनको विजयी लक्ष्य पछ्याएको युएई ३४.३ ओभरमा १ सय २८ रनमा अल आउट भयो । युएईका कै स्मिथले ७० बलमा ६ चौका सहित सर्वाधिक ४५ रन बनाए । सूर्य सथिश २१ र ध्रुव पराशारले १९ रन बनाए । भारतका राजवर्धन हांगरगेकरले ३ विकेट लिए । गर्व सांगवान, विक्की वोस्टवाल र कौशल ताम्बले २-२ विकेट लिए ।
समूह ए कै अर्को खेलमा आइसिसी एकेडेमी ग्राउन्ड २ मा टस जितेर ब्याटिङ रोजेको अफगानिस्तान २३.१ ओभरमा ५२ रनमा अल आउट भयो । अफगानिस्तानका नङ्गेलिया खरोटेले सर्वाधिक १५ रन बनाए । पाकिस्तानका अमिद खानले सर्वाधिक ३ विकेट लिए। जिशान जमिर र अवैस अलीले २–२ विकेट लिए । उक्त लक्ष्य पाकिस्तानले १६.४ ओभरमा ६ विकेट गुमाउँदै पूरा गर्यो ।
शुक्रबार नेपालले बंगलादेशसँग खेल्नेछ । समूह ए मा पाकिस्तान, भारत, अफगानिस्तान र युएई छन् । समूह बी मा नेपाल, श्रीलंका, बंगलादेश र कुवेत छन् ।
December 16, 2024
काठमाडौं(हाम्रो खेलकुद) – एसिसी यु १९ महिला एसिया कपमा नेपालले सुपर ४ मा स्थान बनाएको छ । समूह चरणको आफ्नो पहिलो खेलमा पाकिस्तान यु१९ लाई ६ विकेटले पराजित गर्दै नेपालले सुपर ४ मा स्थान बनाएको हो । पाकिस्तान लगातार दोस्रो हारका साथ प्रतियोगिताबाट बाहिरिँदा नेपाल एक खेल अगावै सेमिफाइनल प्रवेश पुगेको हो । पाकिस्तान पहिलो खेलमा […]
December 16, 2024
काठमाडौं(हाम्रो खेलकुद) – एसिसी यु १९ महिला एसिया कपमा नेपाललाई पाकिस्तान यु१९ ले प्रतिस्पर्धात्मक लक्ष्य दिएको छ । मलेसियामा जारी खेलमा नेपाल यु १९ ले पाकिस्तानबाट १ सय ५ रनको लक्ष्य पाएको छ । टस जितेर पहिले ब्याटिङ गरेको पाकिस्तानले निर्धारित २० ओभरमा ५ विकेट गुमाएर १ सय ४ रन बनाएको हो । पाकिस्तानका लागि […]
December 16, 2024
काठमाडौं(हाम्रो खेलकुद) – नेपाल प्रिमियर लिग (एनपिएल) को प्लेअफ समीकरण पूरा भएको छ । एनपिएलको लिग चरणको अन्तिम खेल सोमवार समाप्तिसँगै प्लेअफ समीकरण पूरा भएको हो । लिग चरणको समाप्तिमा सुदूरपश्चिम रोयल्स शीर्षमा, जनकपुर बोल्ट्स दोस्रोमा , चितवन राइनोज तेस्रो र कर्णाली याक्स चौथोमा रहेर प्लेअफमा छनोट भए । एनपिएलको प्लेअफको पहिलो खेल बुधवार बिहान […]
