एजेन्सी – ओपनर मयंक अग्रवालको अविजित शतकीय इनिङसँगै भारत न्युजिल्यान्डसँगको दोस्रो टेस्ट खेलमा बलियो अवस्थामा छ । वानखडे स्टेडियम मुम्बईमा टस जितेर ब्याटिङ थालेको भारत पहिलो दिनको समाप्तिमा ७० ओभरमा २२१-४ को अवस्थामा छ । ओपनर मयंक अग्रवाल २ सय ४६ बलमा १४ चौका र ४ छक्कासहित १ सय २० रनमा अविजित छन् ।

अग्रवालको टेस्ट करिअरको चौथो शतक हो । विकेटकिपर ऋद्धिमान शाह ५३ बलमा ३ चौका र १ छक्कासहित २५ रनमा अविजित छन् । पाँचौं विकेटका लागि अग्रवाल र शाहले १ सय ४३ बलमा ६४ रनको अविजित साझेदारी गरेका छन् ।

वर्षाको कारण खेल ढिलो सुरु भएको थियो । ओपनर मयंक अग्रवाल र सुभमन गिलले पहिलो विकेटका लागि २७.३ ओभरमा ८० रन जोड्दै राम्रो सुरुवात दिए । पटेलले नै गिललाई रस टेलरबाट ४४ रनमा क्याच आउट भए । ७१ बल खेल्दै गिलले ७ चौका र १ छक्का प्रहार गरे ।

स्पिनर अजाज पटेलले ३० औं ओभरमा दुई प्रमुख ब्याटरलाई शून्यमा गुमाएको थियो । दोस्रो बलमा चेतेश्वर पुजालाई शून्यमा बोल्ड भए। अन्तिम बलमा विराट कोहली एलबीडब्लू धरापमा परे । पटेलले श्रेयस ऐरलाई १८ रनमा क्याच आउट गराएका थिए । दुई टेस्ट खेलको सिरिज अन्तर्गत पहिलो टेस्ट बराबरीमा सकिएको थियो । दोस्रो टेस्टमा न्युजिल्यान्डका कप्तान केन विलियम्सन चोटका कारण टोलीमा छैनन् । भारतका अजिक्या रहाणे र रविन्द्र जडेजा पनि टोलीमा छैनन् ।