3 years ago
November 26, 2021
काठमाडौं (हाम्रो खेलकुद) – नेपाल एपिएफ क्लब बारामा जारी हरपुर क्रिकेट च्याम्पियन्स ट्रफीको फाइनलमा पुगेको छ । एपिएफले पहिलो सेमिफाइनलमा प्रदेश २ लाई १४ रनले हराउँदै फाइनलमा स्थान बनाएको छ ।
टस जितेर पहिला ब्याटिङ थालेको एपिएफले २० ओभरमा ८ विकेट गुमाउँदै १ सय १३ बनायो । एपिएफका युवा अलराउन्डर दीपक बोहराले ३१ बलमा २ चौका र २ छक्का सहित सर्वाधिक ४० रन बनाए । एपिएफका रित गौतम, आसिफ शेख र सुमित महर्जन ५(५ रनमा आउट भए । पुरन विक १८ र अमर सिंह राउटेला १३ रन बनाए ।
प्रदेश २ का रुपेश सिंहले ४ ओभरमा १ मेडन सहित १२ रन खर्चेर ३ विकेट लिए । सुरज कुर्मीले २, विशाल शुश्लिङ र कुमार थापाले १(१ विकेट लिए । जवाफी ब्याटिङ थालेको प्रदेश २ ले २० ओभरमा ८ विकेट गुमाउँदै ९९ रन बनायो । प्रदेश २ का विशाल शुश्लिङले ५५ बलमा २ चौका र २ छक्का प्रहार गर्दै ४० रनमा अविजित रहे ।
अन्य ब्याटर चल्न नसक्दा पराजित हुन पुग्यो । हासिम अन्सारी ३, सुरज कुर्मी ९, रवि सिंह ६ र असाब हुसैनले १४ रन बनाए । एपिएफका विपिन खत्री र अमर सिंह राउटेलाले २-२ विकेट लिए । किशोर महतो, दीपक बोहरा र भुवन कार्कीले १-१ विकेट लिए । उपाधिका लागि एपिएफले आर्मीसँग शनिबार खेल्नेछ ।
December 16, 2024
काठमाडौं(हाम्रो खेलकुद) – एसिसी यु १९ महिला एसिया कपमा नेपालले सुपर ४ मा स्थान बनाएको छ । समूह चरणको आफ्नो पहिलो खेलमा पाकिस्तान यु१९ लाई ६ विकेटले पराजित गर्दै नेपालले सुपर ४ मा स्थान बनाएको हो । पाकिस्तान लगातार दोस्रो हारका साथ प्रतियोगिताबाट बाहिरिँदा नेपाल एक खेल अगावै सेमिफाइनल प्रवेश पुगेको हो । पाकिस्तान पहिलो खेलमा […]
December 16, 2024
काठमाडौं(हाम्रो खेलकुद) – एसिसी यु १९ महिला एसिया कपमा नेपाललाई पाकिस्तान यु१९ ले प्रतिस्पर्धात्मक लक्ष्य दिएको छ । मलेसियामा जारी खेलमा नेपाल यु १९ ले पाकिस्तानबाट १ सय ५ रनको लक्ष्य पाएको छ । टस जितेर पहिले ब्याटिङ गरेको पाकिस्तानले निर्धारित २० ओभरमा ५ विकेट गुमाएर १ सय ४ रन बनाएको हो । पाकिस्तानका लागि […]
December 16, 2024
काठमाडौं(हाम्रो खेलकुद) – नेपाल प्रिमियर लिग (एनपिएल) को प्लेअफ समीकरण पूरा भएको छ । एनपिएलको लिग चरणको अन्तिम खेल सोमवार समाप्तिसँगै प्लेअफ समीकरण पूरा भएको हो । लिग चरणको समाप्तिमा सुदूरपश्चिम रोयल्स शीर्षमा, जनकपुर बोल्ट्स दोस्रोमा , चितवन राइनोज तेस्रो र कर्णाली याक्स चौथोमा रहेर प्लेअफमा छनोट भए । एनपिएलको प्लेअफको पहिलो खेल बुधवार बिहान […]
