काठमाडौं (हाम्रो खेलकुद) – तीव्र गतिका बलर सोमपाल कामी र स्पिनर साहब आलमको उत्कृष्ट बलिङमा त्रिभुवन आर्मी क्लब बारामा जारी हरपुर क्रिकेट च्याम्पियन्स ट्रफीको फाइनलमा पुगेको छ । आर्मीले दोस्रो सेमिफाइनलमा नेपाल पुलिस क्लबलाई ५३ रनले पराजित गर्दै फाइनलमा स्थान बनाएको हो ।

टस जितेर पहिला ब्याटिङ थालेको आर्मीले निर्धारित २० ओभरमा ७ विकेट गुमाउँदै ९७ रन बनाएको थियो । आर्मीका सोमपाल कामीले १६, सचिन शर्मा १७, भीम सार्की ७ र रोहित कुमार पौडेल १० रनमा आउट भए । कप्तान विनोद भण्डारी २३ बलमा १ छक्का सहित २३ रनमा अविजित रहे । कुशल मल्लले ११ बलमा २ चौका सहित १६ रन बनाए ।

नेपाल पुलिसका राशिद खानले ४ ओेभरमा २२ रन खर्चेर ३ विकेट लिए । ललितनारायण राजवंशी, मञ्जित श्रेष्ठ र आरिफ शेखले १-१ विकेट लिए । जवाफी ब्याटिङ थालेको पुलिस १३ ओभरमा ४४ रनमा अल आउट भयो । पुलिसका कुनैपनि खेलाडीले दोहोरो अंकमा रन बनाउन सकेनन् । कुशल भुर्तेल ८, सुनिल धमला ६, शंकर राना ४, अनिल शाह शून्य, अमित श्रेष्ठ १, दीलिप नाथ ७, आरिफ शेख ४ र राशिद खानले ६ रन बनाए ।

आर्मीका सोमपाल कामीले ३ ओभरमा १२ रन खर्चेर ३ विकेट लिए । साहब आलमले ३ ओभरमा १ मेडन सहित ५ रन खर्चेर ४ विकेट लिए । सुशान भारीले २ र कुशल मल्लले १ विकेट लिए । आर्मीले उपाधि लागि शनिबार एपिएफसँग खेल्नेछ ।

प्रदेश २ लाई हराउँदै एपिएफ फाइनलमा