3 years ago
November 25, 2021
काठमाडौं (हाम्रो खेलकुद) – स्पिनर साहब आलम र कुशल मल्लको उत्कृष्ट बलिङमा त्रिभुवन आर्मी क्लब बारामा जारी हरपुर क्रिकेट च्याम्पियन ट्रफीको सेमिफाइनलमा पुगेको छ । बिहीबार भएको समूह २ को खेलमा आर्मीले लुम्बिनी प्रदेशलाई ५ विकेटले हराउँदै सेमिफाइनलमा स्थान पक्का गराएको छ ।
जितको लागि १ सय ६ रनको विजयी लक्ष्य पछ्याएको आर्मीले १७.३ ओभरमा ५ विकेट गुमाउँदै पूरा गर्यो । आर्मीको जितमा सचिन शरण २९ बलमा २ छक्का सहित ३४ रन बनाए । सोमपाल कामी ४, भीम सार्की १ र रोहित कुमार पौडेल ६ रनमा आउट भए । कप्तान विनोद भण्डारी ३३ बलमा १ चौका र २ छक्का प्रहार गर्दै ३२ रनमा अविजित रहे ।
कुशल मल्ल ४ रनमा आउट हुँदा राजेश पुलामी मगर १२ रनमा अविजित रहे । लुम्बिनी प्रदेशका लेगस्पिनर मौसम ढकालले ४ ओभरमा ३४ रन खर्चेर ३ विकेट लिए । स्पिनर दीपेन्द्र राउतले २ विकेट लिए ।
त्यसअघि टस हारेर पहिला ब्याटिङको निम्तो पाएको लुम्बिनीले निर्धारित २० ओभरमा ९ विकेट गुमाउँदै १ सय ५ रन बनाएको थियो । लुम्बिनीका सुशान्त थापाले ५२ बलमा १ चौका सहित ३१ रन बनाए । सौरभ खनाल, सन्दीप रजाली र कृष्ण कार्की शून्यमा आउट भएपछि लुम्बिनी सस्तैमा समेटिएको थियो । दीपेन्द्र राउत २७ र तुल बहादुर थापाले १२ रन बनाए । कुशल मल्लले ४ ओभरमा २५ रन खर्चेर ४ विकेट लिए । साहब आलमले ४ ओभरमा १ मेडन सहित १६ रन खर्चेर ४ विकेट लिए । आलम खेलको प्लेयर अफ द म्याच चुनिए । सोमपाल कामी र विक्रम सोब लगातार तेस्रो खेलमा विकेट विहीन बने ।
समूह बी बाट आर्मी उपविजेता र एपिएफ विजेताको रुपमा सेमिफाइनलमा पुगे । ३ खेलमा समान ४ अंक भएपनि नेटरनरेटका आधारमा एपिएफ अघि रहेको हो । नेटरनरेटकै कारण लुम्बिनी बाहिरिएको छ । समूह ए बाट पुलिस विजेता र प्रदेश २ उपविजेताको रुपमा सेमिफाइनलमा पुगेका थिए । सेमिफाइनलमा पुलिस र आर्मी तथा एपिएफ र प्रदेश २ बीच प्रतिस्पर्धा हुनेछ । सेमिफाइनल शुक्रबार र फाइनल शनिबार हुनेछ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]