काठमाडौं (हाम्रो खेलकुद) – नेपाली महिला क्रिकेट टोलीकी उपकप्तान तथा बायाँ हाते ओपनर सीता रानामगरले कतारविरुद्ध तेस्रो तथा अन्तिम डब्लूटि२० आई खेलमा कीर्तिमानी ब्याटिङ गरेकी छिन् । वेस्ट इन्ड पार्क इन्टरनेशनल क्रिकेट स्टेडियममा टस जितेर ब्याटिङ रोजेको नेपाललाई बलियो योगफलमा पुर्याउन सीताले उत्कृष्ट ब्याटिङका साथ कीर्तिमान बनाएकी हुन् ।

सीताको उत्कृष्ट प्रदर्शनमा नेपालले निर्धारित २० ओभरमा ३ विकेट गुमाउँदै १ सय ६४ रन बनायो । नेपाललाई बलियो योगफलमा पुर्याउन सीता रानामगर ७२ बलमा ७ चौका सहित सर्वाधिक ८२ रनमा अविजित रहिन् । नेपाली महिला टि२० आईमा कुनैपनि खेलाडीले एक खेलमा गरेको यो उत्कृष्ट प्रदर्शन हो ।

सीताले इन्दु बर्माको कीर्तिमान तोडेकी छन् । यसअघि नेपाली महिला टि२० आईमा ५५ रन इन्दुको नाममा थियो । इन्दुले मंगलबार कतारसँग पहिलो खेलमा ५५ रन बनाउँदै नेपाली महिला क्रिकेटको डब्लूटि२० आईमा अर्धशतक प्रहार गर्ने पहिलो खेलाडीको कीर्तिमान लेखाएकी थिइन् । कतारसँग दोस्रो खेलमा बुधबार कप्तान रुविना क्षेत्री बेलबासेले ५० रनको इनिङ खेलेकी थिइन् । सीताले आफ्नो डब्लूटि२० आई करिअरको पहिलो अर्धशतक प्रहार गर्दै कीर्तिमान रचेकी हुन् ।

महिला टि२० आईमा नेपालबाट उच्च प्रदर्शन

सीता रानामगर – ८२ रन अविजित, कतारविरुद्ध

इन्दु बर्मा – ५५ रन अविजित, कतारविरुद्ध

रुविना क्षेत्री – ५० रन, कतारविरुद्ध

सीता रानामगर – ४८ रन इन्डोनेसियाविरुद्ध, २०१९

सीता रानामगर – ४२ रन मलेसियाविरुद्ध, २०१९

सीताको उत्कृष्ट ब्याटिङमा नेपालको कीर्तिमानी योगफल

राष्ट्रिय क्रिकेट टोलीका सम्भावित पाँच मुख्य प्रशिक्षक