एजेन्सी – क्यारेबियन प्रिमियर लिग अन्तर्गत शनिबारको दोस्रो खेलमा जमैका तलावाज र गुयाना एमेजन वारियार्स भिड्दैछन् । नेपाली स्पिनर सन्दीप लामिछाने सम्मिलित जमैकाले पहिलो फिल्डिङ गर्दैछ ।

टस जितेर जमैकाका कप्तान रोभमान पावेलले फिल्डिङ रोजेका हुन् । जमैकाका लागि टोलीमा दुई परिवर्तन भएको छ । तीव्र गतिका बलर ओसेन थोमस र क्रुमा बोनर टोलीमा समावेश भएका छन् । यी दुईसँगै सन्दीप, मुजिब उर रहमान र फिडेल एडवार्ड्सले बलिङ सम्हाल्नेछन् ।

गुयानाका कप्तान क्रिस ग्रिनले पनि टोलीमा एक परिवर्तन गरेका छन् । रोमारियो सेफर्डको स्थानमा एश्मिड नेड टोलीमा फर्केका छन् । दुवै टोलीले सुरुवाती २ खेलमा समान १ मा जित र हार बेहोरेका छन् ।

गुयाना पहिलो खेलमा ट्रीनबेगो नाइट राइडर्ससँग ४ विकेटले पराजित हुँदा दोस्रो खेलमा सेन्ट किट्स एण्ड नेभिस पेट्रीयट्र्स लाई ३ विकेटले हराएको थियो । यता जमैकाले पहिलो खेलमा सेन्ट लुसिया जुक्सलाई ५ विकेटले हराएपनि राइडर्ससँग ७ विकेटले पराजित भएको थियो ।

तलावाज : च्याडविक वाल्टन, ग्लेन फिलिप्स, रोभमान पावेल (कप्तान), आसिफ अली, कार्लोस ब्रेथवेट, आन्द्रे रसल, फिडेल एड्वार्ड्स, सन्दीप लामिछाने, मुजिब उर् रहमान, ओसेन थोमस, क्रुमा बोनर

एमेजन वारियार्स : ब्रेन्डन किङ, चन्द्रपाल हेमराज, शिम्रन हेटमायर, रस टेलर, निकोलस पुरन, सेर्फान रदरफर्ड, किमो पल, क्रिस ग्रिन (कप्तान), एस्मिड नेड, नविन उल हक, इमरान ताहिर