मनाङ विरुद्ध थ्री स्टार

पल्सर सहिद स्मारक ए डिभिजन लिग २०७५

प्रत्यक्ष प्रसारण

सुरुवाती ११ :

मनाङ:

विशाल श्रेष्ठ (गोलरक्षक), विराज महर्जन (कप्तान), मोहमद असिफ, सुरज विक, प्रवेश कुँवर, अन्जन विष्ट, विशाल राइ, डोना थापा, हेमन गुरुङ, दीपक राई, आडिलेजे सोमिडे

थ्री स्टार :

एलन न्यौपाने (गोलरक्षक), रञ्‍जित धिमाल, विक्रम लामा, पिटर सेगुन, विजय धिमाल, निराजन खड्का, सुनील बल, बुद्ध चेम्जोङ, निराजन खड्का, अनील गुरुङ, अजायी मार्टिन्स

थ्री स्टारले लिगको पहिलो खेलमा फ्रेन्ड्स क्लबलाई २-१ ले पराजित गरेको थियो । उक्त खेलमा रन्जन विष्ट र बुद्ध चेम्जोङले १-१ गोल गरे । दोस्रो खेलमा थ्री स्टारले ब्रिगेड ब्वाइजलाई ५-१ को फराकिलो अन्तरले हरायो । त्यस खेलमा ५ फरक खेलाडीले गोल गरे । फरवार्ड रन्जनले लगातार दोस्रो खेलमा गोल गर्दा चोटबाट पुनरागमन गरेका विक्रम लामा, निराजन खड्का, सुनील बल र रन्जित धिमालले १-१ गोल गरे । थ्री स्टारले अंक तालिकाको शीर्ष स्थानमा रहँदै अाफूलाई बलियो दावेदारको रुपमा प्रस्तुत गरिरहेको छ ।

मनाङले पनि लिगको सुरुवाती दुवै खेलमा सहज जित दर्ता गरको छ । पहिलो खेलमा ब्रिगेड ब्वाइजलाई ३-१ ले पराजित गरेको मनाङले दोस्रो खेलमा एनआरटीलाई २-० ले पराजित गर्यो । दुवै खेलमा गोल गर्न सफल रहेका फरवार्ड ओलावाले आफिज भने थ्री स्टारविरुद्ध उपलब्ध रहने छैनन् । दुवै खेलमा पहेंलो कार्ड पाएका कारण उनी प्रतिबन्धमा परेका छन् । मनाङलाई चोटको समस्याले पनि उत्तिकै सताएको छ ।