काठमाडौं (हाम्रो खेलकुद) – पल्सर सहिद स्मारक ए डिभिजन लिगअन्तर्गत आइतबारको पहिलो खेलमा नेपाल पुलिस क्लब र मछिन्द्र क्लब भिड्दैछन् । पहिलो हाफमा दुवै तर्फबाट गोल हुन सकेको छैन ।

राष्ट्रिय खेलाडीको उपस्थिति रहेको पुलिसले मछिन्द्रलाई दबाबमा राखेपनि गोल गर्न भने सकेको छैन । मछिन्द्रका गोलरक्षक दीप कार्कीले केहि राम्रो बचाउ गरेका छन् । पहिलो हाफको अन्त्यतिर अभिषेक रिजालको सटलाई ‘पोइन्ट ब्लांक’ रेन्जबाट दीपले पन्च गरेका थिए । त्यसअघि सुमन लामाको पेनाल्टी क्षेत्रबाहिर बाट गरेको प्रहारलाई पनि दीपले विफल तुल्याए ।

पुलिसले आक्रमक रणनीति अपनाउँदै खेलेपनि मछिन्द्रको डिफेन्सले कमै मौका दिएको छ । च्यासलविरुद्ध खेलमा म्यान अफ द म्याच भएका विकास थुलुङ राईले आज पनि राम्रो प्रदर्शन गरिरहेका छन् । आक्रमणमा विशाल राईले कमै अवसर पाएका छन् । उनले खेलको सुरुवाती समयमा लामो दुरीबाट गरेको प्रहार नै मछिन्द्रको हालसम्मको उल्लेख्य आक्रमण रहेको छ ।

सुरुवाती ११ :

नेपाल पुलिस क्लब :

शत्रुघन चौधरी (गोलरक्षक), विक्रम धिमाल (कप्तान), सन्तोष हेम्रुण, अजित भण्डारी, दिनेश राजवंशी, तेज तामाङ, हेम तामाङ, अभिषेक रिजाल, रवी पासवान, निरकुमार राई, सुमन लामा

मछिन्द्र :

दीप कार्की (गोलरक्षक), विकास थुलुङ, अन्जन देवकोटा, विवेक पण्डित,संजय राजवाहक, अजित गुरुङ, टंकप्रसाद गुरुङ, उत्तम गुरुङ (कप्तान), खामिर गिल्सान, विशाल राइ, निरोज चौधरी

प्रत्यक्ष प्रसारण :