एजेन्सी – अर्जेन्टिनी फरवार्ड लिओनेल मेस्सीले तेस्रो मिनेटमै गोल गरेपछि रियाद सिजन टोलीविरुद्ध साउदी अरबमा जारी मैत्रीपूर्ण खेलमा पेरिस सेन्ट जर्मेन (पिएसजी) ले अग्रता लिएको छ ।

खेलको सुरुवातदेखि नै बल पोसेसनमा पकड जमाएको पिएसजीका लागि मेस्सीले तेस्रो मिनेटमा गोल गरे । उनले नेयमारले दिएको चिप पासलाई गोलमा परिणत गरे । मेस्सीले पेनाल्टी क्षेत्र भित्र गोलरक्षक र डिफेन्सले पछ्याएको अवस्थामा दुई विपक्षीको बीचबाट बललाई पोस्टको दिशा दिएका थिए । लगत्तै पाँचौ मिनेटमा क्रिस्टियानो रोनाल्डोको प्रहार गोलरक्षक केलर नाभासले जोगाए ।

फरवार्ड किलीयन एमबाप्पे, लिओनेल मेस्सी र नेयमार तीनै जना पहिलो रोजाइमा रहेका छन् । मिडफिल्डर रेनाटो सान्चेस, कार्लोस सोलर र फाबियन रुइजले मिडफिल्ड सम्हाल्नेछन् । डिफेन्समा कप्तान मार्किन्हस, सर्जियो रामोस, अक्रफ हाकिमी र जुआन बर्नाट छन् । गोलरक्षकमा केलर नाभास खेल्नेछन् ।

यता रियाद टोलीका लागि कप्तान क्रिस्टियानो रोनाल्डो छन् । उनलाई आक्रमणमा ओडीओन इघालो, मौसा मारेगा र एन्डरसन टालिस्काले साथ दिनेछन् । मिडफिल्डमा मुसाब फाहद अल जुवेर र लुइज गुस्ताभो छन् । डिफेन्समा अल्भारो गोन्जालेज, मोहमद अल ब्रेक, अलि अल बोलेआही र कोनान छन् । गोलरक्षकमा अल ओवाइस रहेका छन् ।

खेलको उद्घाटन समारोहमा भारतीय अभिनेता अमिताभ बच्चनले खेलाडीलाई स्वागत गरेका थिए ।

प्रत्यक्ष प्रसारण यहाँ :

البث المباشر للأستوديو التحليلي والمباراة على #كأس_موسم_الرياض 😍🔥#RiyadhSeasonCup https://t.co/AitZfgalSB

— موسم الرياض | Riyadh Season (@RiyadhSeason) January 19, 2023