आयोजक जेभियर र ह्वाईटहाउसलाई उपाधि आयोजक जेभियर इन्टर नेश्नल कलेजले तेश्रो जेभियर कप यु १९ महिला तथा पुरुष बास्केटबल प्रतियोगिताको यु १९ पुरुष बास्केटबलको उपाधि माथी ह्याट्रिक गरेको छ ।

जभियरले लगातार तेश्रो पटक शिल्ड घरमै राखेको हो । बुधवार भएको फाईनल खेलमा जेभियरले रिलायन्सलाई ६२–४७ ले हराउदा छेवाङ बिष्टले सर्वाधिक १९ स्कोर गरे । कालापुल स्थित आयोजकको कोर्टमा भएको यु १९ महिला बास्केटबलमा भने साईपाल ह्याट्रिक गर्नबाट चुक्यो । साईपालको बिजयी यात्रालाई ह्वाईटहाउस कलेजले ४८–३४ ले रोक्यो ।

प्रतियोगिताकी उत्कृष्ट खेलाडी चुनिएकी ह्वाईटहाउसकी डली तामाङले फाईनलमा सर्वाधिक १४ स्कोर गरिन् । यु १९ पुरुषतर्फ जेभियर कलेजका रबिन गौतम उत्कृष्ट खेलाडी चुनिए । बिजेतालाई राखेप उपाध्यक्ष लामा टेन्डी शेर्पा,आयोजक कलेजका कार्यकारी प्रमुख लोकबहादुर भण्डारीलगायतले पुरस्कृत गरे । त्रियोग र केएमसी बिजयी त्रियोग र केएमसी स्कुलले दशौ क्विईक्स चिजबल गिनल्याण्ड बास्केटबल पतियोगितामा बुधवार जित निकालेका छन् ।

सिनियर ब्वाईजको खेलमा त्रियोगले २४–१७ ले हराउदा केएमसीले अभियान पब्लिकलाई २६–१९ ले रोक्यो । जुनियर ब्वाईजमै टिआईएले सेवलाई ३२–२७ ले हरायो भने द स्काईलार्कले हिमालयलाई ५३–३३ ले स्तब्ध पाऱ्यो । ग्रिनल्याण्ड स्कुलमा भएको जुनियर ब्वाईजको खेलमा इनोभेटिभ र ओडिसी बिजयी भए । इनोभेटिभले केएमसीलाई १६–१० ले हराउदा ओडिसीले सेबलाई २६–१७ ले पाखालगायो ।