4 years ago
March 21, 2021
काठमाडौं (हाम्रो खेलकुद) – नेपाली बास्केटबलको शीर्ष प्रतियोगिता नेपाल बास्केटबल लिग (एनबिएल) ले अष्ट्रेलियाको साउदर्न क्रस युनिभर्सिटीसँग युनिभर्सिटी साझेदारको रुपमा सम्झौता गरेको छ ।
तेश्रो संस्करणको नेपाल बास्केटबल लिग २०७८ साल जेठ महिनाको अन्तिम सातादेखि सुरु हुँदैछ । सोहि समयमा दोश्रो संस्करणको महिला बास्केटबल लिग पनि आयोजना हुनेछ । गतवर्ष कोरोना भाइरसका कारण एनबिएल स्थगित भएको थियो ।
एनबिएलका प्रमुख कार्यकारी अधिकृत नमित बहादुर थापा र साउदर्न क्रस युनिभर्सिटीकी कन्ट्री म्यानेजर सुभी प्रधानले आइतबार एक कार्यक्रमकाबीच सम्झौता पत्रमा हस्ताक्षर गरेका थिए । सम्झौता अुनसार करिब दुई महिना चल्ने एनबिएलमा साउदर्न क्रस युनिभर्सिटीसँगै कलेजको लक्ष्यहरुको पनि प्रवर्द्धन गरिने सिइओ थापाले बताए । सम्झौता रकम भने खुलाइएको छैन ।
‘यसपटक हाम्रो पहिलो साझेदारको रुपमा साउदर्न क्रसलाई भित्र्याउन पाँउदा हामी निकै खुशी छौं । नेपालमा प्रतिस्पर्धात्मक बास्केटबललाई टिकाइराखेको एनबिएलले अझै साझेदार पाउनेमा हामी विश्वस्थ छौं,’ थापाले भने ।
एनबिएलको पहिलो संस्करणको उपाधि गोल्डेन गेट इन्टरनेशनल क्लब तथा दोश्रो संस्करणमा टाइम्स इन्टरनेशनल क्लबले जितेको थियो । यस्तै महिलाको पहिलो संस्करण नेपाल पुलिस क्लबले जितेको थियो । प्रतियोगितामा विदेशी खेलाडीहरुको पनि सहभागिता रहने गरेको छ ।
February 13, 2025
काठमाडौं (हाम्रो खेलकुद)- टाइम्स ‘ए’ ले अन्तर्राष्ट्रिय थ्रीबाई थ्री एनबिसी नेपाल बास्केटबल च्याम्पियनसिपको उपाधि जितेको छ। बुधबार राति भएको फाइनलमा राइभल पाकिस्तानलाई २१–१७ ले हराउँदै टाइम्स ‘ए’ लगातार दोस्रो पटक च्याम्पियन बनेको हो। त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको खेलमा टाइम्सलाई जित दिलाउन सदीश प्रधानको प्रदर्शन उत्कृष्ट रहयो। यसअघि बुधबार नै भएको पहिलो सेमिफाइनलमा […]
December 7, 2024
काठमाडौं (हाम्रो खेलकुद)- ह्विलचेयर स्पोर्ट्स एसोसिएसन (डब्ल्युएसए) महिला ह्विलचेयर बास्केटबल प्रतियोगिताको उपाधि जितेको छ। ३३औं अन्तर्राष्ट्रिय अपांग दिवसकाे अवसरमा नेपाल स्पाइनल कर्ड इन्जुरी खेलकुद संघ र राष्ट्रिय अपांग महासंघ नेपालको आयोजनामा शनिवार मध्य बानेश्वरस्थित ग्लोबल कलेजकाे कोर्टमा भएको फाइनलमा डब्ल्युएसएले जावलाखेल ह्विलचेयर स्पोट्र्स क्लबलाई २०-१२ को स्कोरे हराउँदै पहिलो भएको हो। विजेता डब्ल्युएसएकी ज्योती अर्याल […]
June 10, 2024
सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]
